volumen xxiii. - Archive ouverte UNIGE

755 SERMONS. 756
que chose? Si son maistre se repose, il sera là
disposé pour ouyr ce que son maistre luy voudra
commander: Fay ceci: Va t'en là. Ainsi donc,
Abraham monstre qu'il ne s'est point adonné à soy
ni à ses affections propres: mais qu'il s'estoit tellement
dédié à Dieu, que tout ce qu'il avoit aussi
estoit de mesmes. Et il ne dit point ceci par
hypocrisie, comme plusieurs pourront bien dire de
bouche: Me voici: et cependant ils ne laisseront
pas de se retirer loin de Dieu. Mais quand Abraham
a dit: Me voici, il proteste en cela qu'il est
ici devant Dieu: où après il proteste qu'il avoit et
pieds et mains, et yeux et oreilles, et tous ses sens,
et toutes les parties de son corps et de son ame'
appareillées pour servir à Dieu et à plier sous
[pag. 245] son ioug, et pour aller par tout où il
sera envoyé. Voila donc, ce que nous avons à
retenir de nostre père Abraham : et ainsi cognoissons
que sans ce but-ci nous ne ferons qu'errer en-toute
nostre vie, comme i'ay dit. Nous pourrions avoir
des vertus les plus louables du monde, nous pourrions
estre estimez comme des Anges: mais tout ne
sera rien, sinon que nous sachions que Dieu nous
void et qu'il veut que nous tendions tonsiours à
luy. Et cependant aussi quand il nous fera tourner
d'un costé et d'autre, et que nous aurons à travailler
et à ahanner iusques au bout, que nous ne laissions
pas tousiours de nous retenir en son obéissance et
suiection, pour dire, Seigneur, me voici, quoy qu'il
en soit: et que nous despitions tous les obstacles
qui nous empeschent et nous peuvent retarder,
toutes les dificultez, les molestes et combats qui
nous seront suscitez: que nous despitions, di-ie, tout
cela, à fin que nous poursuivions tousiours nostre
chemin, iusqu'à ce que nous soyons parvenus au
but, auquel Dieu nous appelle: c'est assavoir, que
nous soyons délivrez de tous nos combats, pour
iouir du repos celeste.
PKIEKE.
Or nous-nous prosternerons devant la maiesté
de nostre bon Dieu, en cognoissance de nos fautes:
le priant qu'il nous les face tellement sentir que ce
soit pour nous y [pag. 246] desplaire ef nous en
despouiller de plus en plus, et estre tellement revestus
de sa iustice qu'il domine pleinement en
nous, et que par ce moyen nous déclarions que
vrayement nous sommes siens comme il nous a si
chèrement acquis: et que Iesus Christ estant mort
et resuscité nous a aussi acquis à soy, pour nous
faire participans de sa gloire, et pour nous conduire
tousiours, et en la vie et en la mort.
L'Antheur fait aussi ceste Prière à la. fin de ses predications
dn Lundi, Mardi, Jeudi, Vendredi, et Samedi:
Et que non seulement il nous face ceste grace,
mais à tous peuples et nations de la terre, rédui­
sant tous povres ignorans de la captivité d'erreur
et ténèbres à la droicte voye de salut. Que pour
ce faire il luy plaise susciter vrais et fidèles ministres
de sa parole, qui ne cerchent point leur
profit et leur ambition, mais l'exaltation de son S.
nom tant seulement, et le salut de son povre troupeau.
Au contraire, qu'il vueille exterminer toutes
sectes, heresies et erreurs, qui sont semences de
troubles et divisions en son peuple: à fin que nous
vivions en bonne concorde fraternelle tous ensemble.
Qu'il vueille conduire par son S. Esprit tous Rois,
Princes et supérieurs, qui ont le gouvernement de
son glaive: à fin que leur domination ne [pag. 247j
soit point en avarice, cruauté et tyrannie, ni en
autre mauvaise affection désordonnée, mais en bonne
iustice et droicture. Que nous aussi vivans sous
eux leur rendions l'honneur et l'obéissance qui leur
appartient, et que par le moyen d'une bonne paix
et tranquilité, nous servions à Dieu en toute
saincteté et honnesté. Qu'il vueille consoler tous
povres affligez, lesquels il visite par diverses manières
de croix et tribulations: les peuples qu'il afflige
par peste, guerre, famine ou par ses autres verges:
les personnes batues de povreté, prison, maladie,
bannissement, ou autre calamité de corps ou affliction
d'esprit, qu'il leur donne à tous bonne patience,
iusques, à ce qu'il leur envoyé plein allégement de
leurs maux. Singulièrement qu'il vueille avoir
pitié de tous ses povres fidèles, qui sont dispersez
en ceste captivité de Babylone, sous la tyrannie de
l'Antéchrist: mesmes qui souffrent persecution pour
le tesmoignage de sa vérité : qu'il les . fortifie en
vraye constance, qu'il les console, et qu'il ne permette
point aux meschans et loups ravissans, d'exécuter
leur rage alencontre d'eux: mais qu'il leur
donne une vraye constance à ce que son sainct
nom soit glorifié par eux, et en la vie et en la
mort. Qu'il vueille fortifier toutes ses povres
Eglises, qui travaillent auiourd'huy et [pag. 248]
sont assaillies pour la querele de son nom. Qu'il
renverse et destruise les conseils, machinations et
entreprises de tous ses adversaires, à ce que sa
gloire reluise par tout, et que le Royaume de nostre
Seigneur Iesus Christ soit augmenté et avancé de
plus en plus. Nous le prierons de toutes ces choses
ainsi que nostre bon Maistre et Seigneur Iesus
Christ nous a enseigné de prier, disant Nostre Père
qui es es cieux, etc.
Nous prierons aussi ce bon Dieu nous donner
vraye perseverance en sa sainte foy, l'augmenter
de iour en iour en nous de laquelle nous ferons
confession, disant: le croy en Dieu le Père, etc.
La benediction sur le Peuple après le Sermon.
La grace de Dieu le Père, et la paix de nostre
Seigneur Iesus Christ par la communication du