volumen xxiii. - Archive ouverte UNIGE

729 SERMONS. 730
pure libéralité. H nous faut tousiours retenir cela,
et de fait que seroit-ce si nous attendions rien de
luy selon que nous en sommes dignes? Il faudroit
revenir à ceste inquietude, de laquelle il a esté
parlé ci dessus que nous serions tousiours en doute
et perplexité. Or il faut que nostre fiance soit
certaine. Yoila donc en somme ce que nous avons
ici à retenir. H reste maintenant de venir à la
sentence de S. laques, laquelle semble batailler
contre la doctrine de sainct Paul, et de toute
l'Escriture sainote, selon que desia nous en avons
traité: car sainct laques dit, que nous ne sommes
point iustifiez par la foy, mais par les oeuvres. H
semble bien qu'on ne puisse trouver deux sentences
plus contraires l'une à l'autre, que de dire, que
nous sommes iustifiez sans les oeuvres par la seule
foy, et que nous sommes iustifiez par les oeuvres
et non pas par la foy. Or il est certain toutesfois
que S. laques qui a parlé par l'Esprit de Dieu,
n'est point contrevenant à la doctrine qui a esté
preschee et publiée dés le commencement en l'Eglise,
qui a esté ratifiée par les Prophètes, et que finalement
a esté encores [pag. 194] mieux confermee en
nostre Seigneur Iesus Christ et par ses Apostres.
Mais la solution est bien facile quand nous regarderons
à l'intention de S. laques: car il ne dispute
point là que peut la vraye foy, et ne parle point
du tout de la foy vraye, mais d'une foy feinte et
qui n'a autre chose qu'une image qui trompe et
une illusion. Car il combat contre ceux qui sous
umbre de Chrestienté se veulent donner toute
licence de mal-faire, comme il y en a auiourd'huy
beaucoup, et le diable a tasché d'aveugler les hommes,
à fin qu'ils se pardonassent "tous péchez, et que
sous le nom de Chrestien ils s'abrutissent et fussent
du tout pervertis. Et c'estoit aussi pour diffamer
la doctrine de l'Evangile, à fin qu'on pensasse,
qu'elle estoit pour abolir les bonnes oeuvres, et à
fin qu'on ne s'adonnast point au service de Dieu,
comme les Papistes nous le reprochent encores auiourd'huy.
Or S. laques donc voyant beaucoup de
gens dissolus et profanes qui abusoyent ainsi fausement
du nom de l'Erangile, et qui pretendoyent
le nom de la foy. Voire, dit-il, apportez-moy vostre
foy sans oeuvres, et par mes oeuvres ie vous
monstreray ma foy: en cela il declaire assez qu'il
ne veut point traitter de la foy selon que nous
l'avons définie. C'est que nous serons asseurez de
la bonté de Dieu par sa parole, et que nous
sachions qu'il nous est Père par nostre [pag. 195]
Seigneur Iesus Christ. S. laques ne parle point
de ceste foy* la, et qu'ainsi soit elle ne peut apporter
les oeuvres. Nous avons desia dit, que par la foy
nous recevons l'Esprit de nostre Seigneur Iesus Christ.
Or il ne peut estre séparé de son Esprit: et nous
savons qu'il est dit qu'il ne nous est pas seulement
donné pour iustice, mais aussi pour sanctification,
c'est à dire, à fin que nous soyons purgez de
toutes les meschancetez et cupiditez de nostre chair,
pour estre rendus conformes à la iustice de Dieu.
Ainsi donc, si S. laques eut parlé de ceste vraye
foy, c'eut esté grande folie, de dire, apportez-moy
vostre foy sans les oeuvres, et par les oeuvres ie
vous monstreray la foy. Comme s'il disoit que la
vraye foy est tellement coniointe avec les bonnes
oeuvres, que sans icelles elle est morte, c'est à dire,
elle est nulle, comme il dit puis après. S. Iaq.
donc, monstre bien qu'il ne traitte point de la foy,
laquelle embrasse les promesses de Dieu, et par lesquelles
nous sommes certifiez de nostre salut. Et
en cela les Papistes se sont lourdement abusez encores
de se forger une foy qu'ils appellent informe,
c'est à dire, sans figure et disent, que la Loy d'elle
mesme n'est qu'une masse comme qui prendroit de
la terre ou du mortier et qui la plaqueroit là. Yoila
la foy disent-ils, et puis ils disent quand la charité
est coniointe, alors c'est comme qui feroit un pot
[pag. 196] de ceste masse de terre qui auparavant
n'avoit point eu de forme. Voila l'imagination des
Papistes, et ils monstrent par cela qu'ils ne savent
que c'est de foy. Car c'est un don de Dieu singulier
pleinement. Et puis il est dit, que nous recevons
l'Esprit d'adoption par lequel Dieu nous renouvelle
comme aussi il nous incorpore à nostre
Seigneur Iesus Christ tellement, que nous sommes
faits membres de son corps et nouvelles creatures.
Nous voyons donc que les Papistes ne cognoissent
point ces choses et ne savent point les principes ni
les rudimens de la Chrestienté non plus que des
bestes ni que des chiens. Mais c'est une chose horrible
qu'en toutes leurs escoles ils ne font qu'abayer
de ces choses. Il leur semble qu'ils sont le3 pluB
grands Théologiens du monde, quand ils auront
distingué entre la foy informe et la foy formée. Et
c'est autant comme s'ils disoyent, un Dieu qui n'a
ne vertu ne puissance, et puis un Dieu qui se
monstre puissant et iuste: c'est autant de ce qu'ils
ont forgé ainsi une double foy. Et pourquoy donc
est-ce que S. laques use ici de ce mot? Et pourquoy
est-ce que nous usons du mot d'Eglise? du mot
d'Evesque ? du mot de service de Dieu ? do devotion ?
de zèle? Quand nous parlons des Papistes nous ne
leur accordons pas qu'à la vérité il y ait Eglise
entr'eux, à laquelle il falle obéir. Il n'y a sinon
quelques ruines d'Eglise et quelques traces [pag. 197]
du service qui a esté institué du service de Dieu:
mais l'Eglise est où Dieu habite par sa parole.
Apres en parlant d'eux nous prenons des mots qui
sont honorables: et toutesfois ce n'est pas que nous
entendions qu'ils usurpent ces titres-la à bonnes enseignes.
Mais on ne s'arreste pas tousiours aux
mots. Ainsi S. laques ne s'est point arresté au