volumen xxiii. - Archive ouverte UNIGE

6B9 SERMONS. 660
encores que Dieu fasse semblant de se taire, si
est»ce que les meschans ne se peuvent absoudre,
qu'ils ne soyent contrains de sentir leur malediction.
11 n'y a donc point de paix pour le meschant,
comme il en est parlé en Isaie. Mais Iesus Christ
est nostre paix, dit sainct Paul aux Ephes. d'autant
qu'il nous a conioincts et unis à Dieu son Père.
Et voila pourquoy aussi au cinquième chapit. des
Romains, il dit qu'estans iustifiez par foy nous
avons paix envers Dieu, ou avec Dieu. H discerne
la paix des meschans, c'est à dire celle qu'ils cerchent
et qu'ils ne peuvent trouver, d'avec la paix
des fidèles. Les meschans tourneront le doz à
Dieu, et s'esloigneront de luy tant qu'il leur est
possible: mais les fidèles se présentent devant Dieu,
et le recognoissent pour leur Peré, sachans qu'il ne
leur impute point leurs fautes, d'autant que Iesus
Christ les en a absoùz. Et en ceste sorte ils ont
paix, et se resiouissönt en la miséricorde infinie
qui leur est faite. Et ainsi ce n'est point sans
cause que Iesus Christ est nommé le Roy de paix
[pâg. 50]. Et il y a davantage, que les fidèles né
sont pas seulement asseuroz pour le temps present,
mais aussi pour l'avenir. Car ils savent que Dieu
a commencé son oeuvre en eux à ceste condition,
qu'il la Veut parachever, Ils espèrent donc que
iamais il ne leur défaudra, et que de plus en plus
ils seront conduits et gouvernez par luy, iusques
à ce qu'ils soyent parvenus en son Royaume. Voila
en somme comme nous avons la paix, et la posséderons
en Iesus Christ, d'autant que sans luy il
faut que soyons ennemis dé Dien : et comme nous
luy faisons la guerre par nos vices et rebellions, il
faut aussi qu'il soit armé à l'encontre de nous. Il
y a aussi à noter qu'il a esté Sacrificateur éternel,
quand Melohisedec est introduit, comme il fut hier
touché, sans origine, sans fin, et sans généalogie.
Et c'est afin que nous cognoissions que nostre
Seigneur Iesus Christ, combien qu'il ait esté envoyé
en la plenitude des temps, ne laisse pas pourtant
d'estre Fils éternel de Dieu: et mesmes qu'il a esté
constitué Rédempteur devant la creation du monde.
Car il est le premier né de toutes creatures, voire
d'autant que c'est en luy et par luy que tout a
esté fait, et aussi que selon le conseil admirable de
Dieu il devoit tout restaurer, d'autant qu'il n'y a eu
que dissipation et haut et bas après la cheute d'Adani,
qui a ruiné toutes créatures aveo luy. Mais tout
a [pag. 51] esté restauré par nostre Seigneur Iesus
Christ, Ainsi cognoissons, comme dit l'Apostre au
dernier chapitre des Ebrieux, que Iesus Christ n'est
pas seulement auiourd'huy, mais qu'il a esté dés
hier, c'est à dire de tout temps : que sa vertu s'est
demonstrée, comme elle se demonstrera iusques à
la fin. Voila donc comme il nous faut recourir du
tout à ceste vertu (laquelle les Peres mesmes ont
sentie et expérimentée devant qu'il fust manifesté
en chair) ne doutans point, combien que nous soyons
absens de luy, et qu'il y ait longue distance entre
le ciel et la terre: toutes fois que nous serons
tousiours vivifiez de sa vie, que nous serons enrichis
de ses biens, soustenus et préservez par sa vertu.
Car si le soleil, qui n'est qu'une creature insensible,
fait fructifier la terre, qu'il l'eschauffe, et que
nous sommes nourris et sustentez de Dieu par son
moyen: que sera-ce de Iesus Christ au pris, qui
n'est point une oreature insensible, qui n'est point
mesmes une creature, mais qui est Dieu manifesté
en chair, qui est nostre Mediateur auquel le Pore
a voulu mettre tout ce qui estoit requis à nostre
félicité? Voila en somme ce que nous avons à re>tenir.
Or au lieu que les Papistes, et tous ceux
qui se sont intitulez Chrestiens, doivent éstare
enseignez par ce passage deMoyse, que Iesus Christ
est seul Roy et Sacrificateur, lequel nous a uniz à
Dieu son Père [pag. 52], et lequel fait aussi que le
Père nous tienne sous. sa defense > ils ont. converti
au rebours tout ce qui est ici dit. Et cèst erreur
n'a point commencé par les Papistes, il ne leur
faut point imputer plus qu'il n'y a: car ils ont
assez de leurs blasphemes pour les condamner cent
fois. Mais c'est pitié, que le diable a régné en
telle sorte, qu'il y a desia, quatorze cens ans qu'il
a tellement aveuglé ceux qui se nommoyent Ohreä*
tiens, qu'ils sont ici venu inventer une fantaisie
de sorciers, que Iesus Christ a' esté figuré en la
personne de Melchisedec, et que son corps est le
pain celeste, et que son sang est le vin pour la
nourriture des âmes, et qu'il a offert l'un et l'autre.
Or de prime face ceste allégorie plaira à ceux qui
ont les aureilles chatouilleuses : comme lésus Christ
intitule son corps pain, et son sang vin. Cela donc
semble assez bien convenir, que Melohisedec ait
offert du. pain et du vin, d'autant que le corps de
Iesus Christ devoit avoir ceste vertu en soy dß
nous paistre, et son sang aussi de vivifier noz âmes:
mais il n'est pas question ici de quelque oblation
faite à Diett. Moyse dit que Melchisedec Roy de
Salem a offert pain et vin, c'est à dire qu'il Fà
présenté à Abram. Il faudroit ici qu'Abram fust
Dieu, d'autant que 1'oblation s'adresse à sa personne:
et puis ce n'estoit pas pour luy seul, mais pour
toute sa oompaignie. Voila donc une [pag. 58] libéralité
royale quand Àbram a esté recueilli par
Melchisedec, D'aller rapporter cela à Dieu, c'est
tout pervertir, comme nous voyons. Et au reste,
nostre Seigneur Iesus Christ a offert son corps et
son sang, non pas qu'au paravant ils eussent esté
pain et vin: mais à cause de l'oblation qu'il en a
faite, ils sont dits pain et vin: c'est à dire ils ont
la vertu et nature de pain et vin envers nous.
Pourquoy est-ce que nous sommes substentez quant