volumen xxiii. - Archive ouverte UNIGE

645 SERMONS. 646
pour se retirer de ceste commission. En quoy il
monstre qu'il n'avoit point fait cest acte, d'une foie
audace: et Dieu on cela declaire qu'il avoit réservé
son serviteur, en luy faisant faire cest acte seul,
pour l'employer puis après en choses plus grandes
quand le temps seroit venu. Ainsi donc Dieu a
peu donner pour un coup congé et liberté à son
serviteur Àbram d'exercer puissance de glaive, combien
qu'encores il ne fust pas mis en possession de
la terre qu'il luy avoit promise. Et puis il y a à
noter aussi, que Dieu donne souventesfois à ses
serviteurs des mouvemens singuliers, lesquels ne se
doyvent pas tirer en consequence. Le livre des
luges nous est un beau miroor de cela: car autant
que ce livre-la raconte de gens que Dieu a suscitez
pour secourir son peuple, ce sont autant de tesmoignages
pour nous monstrer qu'il n'y aura pas
tousiours election notoire, quand quelqu'un sera
armé du glaive et d'authorité. Gedeon a-il esté
eleu? Il est [pag. 2l] bien certain que non. Samson
non plus, ne tous les autres. Il n'en faut
point reciter ne trois ne quatre: car comme i'ay
dit, tous ceux dont il est là fait mention, ont esté
choisis de Dieu, voire sans qu'ils y pensassent.
Voila Gedeon qui doute et est en grande perplexité :
il faut que de Dieu luy soit donné signe evident
de vocation: il faut qu'il redouble quand il a obtenu
ce qu'il demandoit: encore ne luy suffist il
point. Nous voyons donc qu'il est plein de timidité:
mais Dieu l'a choisi et ordonné à ce qu'il delivre
son peuple, tellement qu'avec trois cens hommes
il déconfit une grande bande, voire une grosse
armée et puissante. Tout ce qui nous est là recité
n'est pas pour en faire reigle generale. Ce seroit
follement argué à nous, et ce seroit une badinerie
quand nous dirions, Voila Dieu qui a racheté son
Eglise de la tyrannie des meschans et incrédules,
par le moyen de Iephthé, par le moyen de Samson,
par le moyen de Gedeon, et de leurs semblables
: ainsi en sera-il donques si nous voyons les
enfans de Dieu estre iniustement opprimez, il nous
sera licite de prendre les armes pour les secourir.
Or cest argument-la est trop cornu. Car il faudrait
que nous eussions l'esprit de ceux que nous prétendons,
c'est à dire, que nous eussions certitude que Dieu
nous appelle ainsi. Pourquoy? car, comme i'ay dit,
ils ont eu des mouvements [pag. 22] particuliers,
comme il y aura des privileges d'une loy commune.
Ainsi en toutes choses il nous faut noter que quand
Dieu besogne outre la reigle commune, qui est
fondée en sa parole, c'est un privilege qu'il ne
faut pas usurper. Car il est à un Roy ou à un
conseil de donner certain privilege à quelqu'un, et
la raison qu'il aura eue me sera incognue: si ie
veux faire le semblable que celuy qui sera privilege,
c'est comme m'attacher à celuy qui l'avoit
voulu séparer du rang commun. Car il faut laisser
l'authorité qu'ont les Rois et les magistratz de faire
ce qu'ils cognoissent estre bon pour la police: et
ceste discretion est raisonnable. Ainsi donc toutes
fois et quantes que nous voyons que Dieu a voulu
suvenir à son Eglise par oeux qu'il a ordonnez
comme ministres de la redemption ot du salut qu'il
avoit appresté, cognoissons que ce sont des actes
singuliers, que la main de Dieu y a passé, et que
ceux-là ont esté choisis de luy: qu'ils ont esté
armés de son authorité et de sa puissance. Mais
de dire que chacun s'avance à en faire autant, ce
seroit, comme i'ay dit, une horrible confusion.
Voila donc ce que nous avons à retenir quant à
ce qui est ici recité d'Abram, c'est assavoir que
Dieu desia luy a voulu donner quelque enseigne
que ce n'estoit pas en vain qu'il l'avoit constitué
seigneur et maistre du pais [pag. 23] de Canaan: et
puis eu ceste victoire il luy a donné aussi quelque
petit goust que ses successeurs devoyent entrer en
la terre: et quelque force qui s'y opposast, qu'ils ne
seroyent point empêchez d'avoir victoire par tout.
Car combien que l'armée de ces Rois dont fut hier
parlé, ne fust pas de trente ou de quarante mille
hommes, tant y a qu'Abram avoit seulement ceux
de sa maison, trois cens et dixhuit serviteurs. Or
de dire qu'ils fussent aguerriz, ce seroit une mocquerie
: d'autant qu'Abram n'avoit iamais esté en
guerre, il ne savoit que c'estoit de manier espée
ny bouclier. Touchant de ceux qui estoyent alliez
avec luy, tant s'en faut que cela luy deust donner
plus grande fiance, que c'estoit pour le faire craindre
davantage. Car ils pouvoyent alléguer, Cest estrangier
icy nous viendra ruiner tous: car voila quatre
Rois qui ont esté victorieux, ils ont pillé Sodome
et Gomorrhe et les villes. voisines, et nous viendrons
nous ruer sur eux? c'est comme si nous voulions
périr à nostre escient. Abram donc se voyant
comme destitué, devoit quant à l'opinion commune
plustost se tenir quoy. Et de prime face c'estoit
une grande folie à luy, d'armer trois cens dixhuit
serviteurs : et luy qui estoit un povre vieillard,
faire office de capitaine: luy qui iamais n'avoit seu
que c'estoit de guerre ny de bataille, comme nous
avons dit, et ne l'avoit voulu [pag. 24] savoir, et
cependant qu'il se iecte à l'abandon. Mais tant
plus devons nous observer ce que i'ay touché, c'est
assavoir que Dieu luy a voulu monstrer par cela,
quand il voudroit mettre en iouissance de la terre
ses successeurs, qu'il n'y avoit nulle difficulté, puis
qu'il luy donnoit une victoire si notable: ce qu'on
n'eust iamais creu, quand on en eust voulu iuger
selon le sens humain. Voila donc en somme ce
que nous avons à retenir quant à ce point, où il
dit qu'Abram a armé ses serviteurs. Nous voyons
comme Dieu luy a donné prudence, encores qu'il
41*