volumen xxiii. - Archive ouverte UNIGE

721 SERMONS. 722*
Et cependant ils cavillent que combien que nostro
Seigneur Iesus Christ ait obtenu pardon, tant pour
la coulpe que pour la peine, neantmoins cela est
réservé: combien qu'ils se contredisent manifestement.
Car de l'autre costé ils disent que nostre
Seigneur Iesus Christ n'a mérité pour nous sinon
occasion de mérite. Or comme il a esté traitté
par ci devant, ils diront bien que de nature nous
sommes si malins, et si débordez que nous ne
saurions faire aucun bien que Dieu accepte:
mais ils disent que quand Iesus Christ marche
devant, il nous donne l'occasion de mériter, et c'est
le premier mérite, disent-ils, en sorte qu'ils ne luy
donnent que quelque petit lopin, et quelque petite
portion, et nous avons le principal. Or si ainsi est
que Iesus Christ nous ait seulement mérité occasion
de mérite, c'est à dire, que par son moyen il nous
faille obtenir paradis, il s'ensuit que tant pour la
peine que pour la coulpe [pag. 177] nous serons
tousiours redevables à Dieu. Et ainsi c'est une
abomination trop enorme quand les Papistes présument
de s'acquiter ainsi envers Dieu par leurs
satisfactions. Et puis comme un mal attire l'autre,
ils se fourrent en un labyrinthe plus profond: car
ils voyent bien que si les hommes s'efforçoyent
cent fois plus qu'ils ne peuvent, neantmoins encores
ne pourront-ils pas contenter Dieu pour toutes leurs
offenses. Pourquoy? Nous faillons entant de sortes
que c'est un horreur. Et qui est-ce qui cognoistra ses
fautes, dit David? Ainsi donc quand nous travaillerons
beaucoup pour nos satisfactions, les Papistes
sont contraints de dire que nous n'en pourrons
point venir à bout. Mais il y a un autre tiers
erreur, c'est assavoir, qu'il y a des indulgences,
des graces, des pardons de pleniere remission, qui
sont pour effacer les offenses de ceux qui les obtienent.
Et encores ce ne leur est pas assez d'avoir
telles indulgences, mais voila le purgatoire qui est
comme la fin et l'accomplissement de tout, tellement
qu'on voit qu'ils sont tellement entortillez en
erreur, qu'ils ne s'en peuvent desveloper. Car
depuis qu'ils se sont une fois forvoyez de la pure
simplicité de l'Escriture saincte, le diable les a
possédez en telle sorte, et leur a baillé tant de
filetz et de licols, qu'il leur est impossible de s'en
[pag. 178] desveloper. Or d'autant plus nous fautil
estre bien attentifs à ceste doctrine par laquelle
toutes satisfactions sont exclues, et sommes renvoyez
à nostre Seigneur Iesus Christ, pour trouver en
luy ce qui nous défaut. Et au reste, notons que
pour bien comprendre que c'est d'estre sauvez par
la pure grace de Dieu, et que la foy nous soit
imputée à iustice, il nous faut venir à la mort: car
quand les Papistes disputent de leur mérites, de
leurs satisfactions et indulgences, ils sont là à deviser
et a iargonner à leur aise: mais quand les hypo-
Calvini opera. Vol. XXIII.
crites se sont enyvrez, voire et endurcis contre
Dieu, et qu'ils se sont fait à croire monts et merveilles
en toute leur vie, le diable les fait bien puis
après remuer, quand il faut venir à bon escient devant
le luge. Car nous voyons comme les hommes
sont estourdis, et cependant que Dieu leur donne
quelque terme ils le forgent tel que bon leur semble,
et le transfigurent à leur apetit : mais quand il
faut partir de ce monde, et qu'il se faut trouver
devant le siege iudicial, qui est mesme terrible et
redouté des Anges, helas ! que peut faire une creature
mortelle en cest endroit? Ainsi donc, quand nous
parlons de ceste certitude de foy, il n'est pas
question d'avoir quelque entree en l'Eglise de Dieu
tant seulement, mais il faut que nous ayons une
espérance invincible pour batailler contre [pag. 179]
toutes les tentations de Satan, et sur tout quand
il est question de respondre devant Dieu, que nous
puissions demourer fermes contre tous effrois, que
nous n'en soyons point agitez. Et ainsi ceste doctrine
ne gist point en speculation, mais en pratique.
Il est vray qn'il nous faut estre enseignez par
l'Escriture saincte, mais iusqu'à ce que Dieu nous
ait adiournez à bon escient, et que nos consciences
soyent là astraintes qu'il faille qu'elles comparoissent
pour ouir la sentence du luge celeste. Or il est
certain que nous ne ferons que nous iouër de toute
ceste dispute. Mais la pratique nous enseignera
ce que i'ay desia dit, c'est assavoir, qu'il nous faut
avoir du tout nostre refuge à la grace de nostre
Seigneur Iesus Christ, cognoissant d'autant qu'il
est nostre advocat, que Dieu n'entrera point en
Jugement avec nous. Et pourquoy? Nous sommes
absous, non point selon que nostre procès le porte,
mais par pure abolition de toutes nos fautes et
iniquitez. Voila donc ce que nous avons encores à
retenir sur ce poinct. Or il semblerait maintenant que
nous ne poussions avoir pleine iustice si elle consistait
en la foy: car la foy comme nous avons dit,
sera tousiours debilei en nous, cependant que nous
vivrons. Et comment est-ce donc que nous obtiendrons
pleine iustice de Dieu? car l'effet [pag. 180]
no peut surmonter sa cause. Si nous n'avions
qu'un demi soleil, nous n'aurions pas tant de clarté
que nous avons: il faut que le soleil soit plein, à
fin que les rayons s'espandent çà et là. Quand
donc la foy est ainsi debile en nous, il semblerait
que nous ne fussions agréables à Dieu qu'en partie,
et que d'autre costé nous fussions réprouvez de luy:
mais notons que la foy ne nous iustifie point de sa
vertu: et voila pourquoy aussi il ne faut point avoir
esgard à la perfection d'icelle, pour dire que nostre
salut soit parfait. A parler proprement, il n'y a
que Dieu seul qui nous iustifie, comme nous avons
allégué le passage de sainct Paul du huitième
chapitre des Romains. Et ce iustifier-la, c'est co
16