volumen xxiii. - Archive ouverte UNIGE

703 SERMONS. 704
nom sera magnifié de nous comme il le mérite.
Voila donc les quatre commandemens de la premiere
table. Or quand nous aurons bien espleuohé tout
ce qu'ils contienent, venons à nous, et nous trouverons
qu'au lieu de nous avoir arresté à luy, nous
sommes vagabohs, et que nos pensées et imaginations
nous pourmeinent, et nous tracassent ça et
là. Qu'est-ce quand il est question mesme de
[pag. 139] prier? Car ceste action devroit retirer
les hommes d'ici bas pour les ravir au ciel, d'autant
que nous sommes comme en la presence de nostre
Dieu. Et cependant quand nous, prions combien
aurons-nous encores d'imaginations frivoles qui
nous passent par la teste et qu'il nous faut là
tenir captifs? Puis qu'ainsi est, que sera-ce de
tout le reste de nostre. vie? Ainsi en sera-il de
tous les commandemens de la Loy, quand nous en
ferons comparaison avec nostre - vie. Et pourtant
nous ne trouverons non pas une mort seule, mais
cent mille. Et au reste nous voyons aussi comme
Dieu en sa Loy, nous a voulu toucher au vif: car
il est dit qu'il faut que le coeur soit navré à bon
escient. Car après qu'il a prononcé ceste sentence,
Maudit sera celuy qui n'accomplira toutes les
choses qui sont ioi escrites, il ne se contente point
d'estre iuge, et d'avoir ainsi condamné de sa bouche
les hommes : mais. il veut que le peuple responde
Amen, c'est à dire, que chacun passe condamnation
de son bon gré, et qu'on se tiene pour tout condamnez,
confessant la sentence qu'il a donnée, estre
iuste et equitable. Ainsi donc voila comme la Loy
nous doit faire entrer en l'examen de toute nostre
vie, que nous n'ayons que desespoir en nous, et
que par ce moyen nous soyons solicitez de cercher
nostre Seigneur [pag. 140] Iesus Christ pour le
commencement de nostre iustice. Or maintenant
nous, voyons que ce sont deux choses contraires
comme le feu et l'eau, que nous soyons eBtimez
iustes devant Dieu par nos oeuvres, et que nous
soyons acceptez de luy en vertu de la foy. Car
comme sainct Paul en parle, si nous apportions
rien du nostre, il est certain que Dieu nous seroit
redevable, d'autant encores que nous ne soyons
pas iustes du tout ny ep perfection: quoy qu'il
en soit, si est-ce que le salaire nous seroit deu
pour une portion telle que nous pourrions avoir.
Or il est dit que la foy ne se peut accorder nullement
avec les oeuvres: il faut donc conclure que
quand nous sommes iustifiez par foy, les oeuvres
cessent et sont abatues du tout. Or ceste façon de
parler de prime face sembleroit estre dure, que la
foy ne se puisse, accorder avec les bonnes oeuvres:
car il sembleroit qu'elle nous iustifie à fin de nous
lascher la bride à, toute iniquité. Or c'est selon
une qualité certaine et un regard que sainct Paul
dit cela, comme aussi il parle de la Loy et de la
foy: La Loy, dit-il, ne peut avoir nulle convenance'
avec la foy, ce sont deux choses incompatibles. Et
en quelle sorte? Dieu n'est-il pas autheur de la
Loy comme de l'Evangile? y a-il contrariété ni
repugnance en luy? H est bien certain que [pag. 141]
non, il est immuable. Et pourquoy donc est-ce
que sainct Paul trouve une telle contrariété entre
la Loy et l'Evangile? C'est au regard de nous
iustifier. Autant en est-il entre la foy et les
oeuvres: il y a contrariété entant que les oeuvres
sont mérites. Et qui plus est nous ne pouvons
faire nulle bonne oeuvre sinon par foy, comme
nous l'avons desia touché, et sera encores déduit
plus au long. Car la cause et l'effet ne sont pas
contraires: mais quand nous voulons establir quelque
mérite en nos oeuvres, c'est à dire, que nous voulons
qu'elles doivent valoir pour nous aquerir grace
devant Dieu, et que soyent une satisfaction pour
nos péchez : brief, qu'elles nous servent à salut,
c'est pour ruiner du tout la foy, et par ce moyen-la
elle est anéantie. Ainsi donc nous voyons que non
sans cause sainct Paul conclud que si nous sommes
iustifiez par la Foy, les oeuvres n'y ont aucun
lieu, mais faut qu'elles s'esvanouissent, voire entant
qu'on y pourrait attribuer quelque opinion de mérites,
ou de vertus pour faire que Dieu nous ait
agréables. Or notons quant et quant que Dieu
nous iustifie par sa pure libéralité, et ne cerche en
nous que nos misères pour y subvenir, à fin que
luy seul soit cognu iuste et que la louange de
nostre salut luy soit rendue voire du tout comme
aussi sainct Paul le note très-bien [pag. 142] tant
au premier chapitre des Ephesiens qu'au troisième
des Romains. H dit donc que Dieu a enclos tout
sous péché, à fin que luy seul soit cognu iuste, et
que toute bouche soit close, pource que c'est luy,
seul qui iustifie les pécheurs par la grace de nostre
Seigneur Iesus Christ, et qui nous introduit au
chemin de sa iustice. Comme aussi au troisième
chapitre des G-alates, quand sainct Paul propose
ceste question. Comment est-il possible que Dieu
ait donné sa Loy après la promesse? Car il semble
qu'il ait changé propos, et qu'il se soit ravisé,
d'autant qu'il iustifie gratuitement Abram, et long
temps après il vient publier sa Loy: en icelle il
dit, Quiconque fera ces choses, il vivra en icelles.
S. Paul respond à cela, que la Loy n'est point
donnée pour anéantir la promesse gratuite, mais
pour l'usage que i'ay desia touché et exposé, c'est
qu'il faut que nous soyons enclos sous péché, et
sous condamnation, autrement nous na pourrons
gouster iamais que vaut la miséricorde de Dieu,
et ne la cercherons point, et aussi il nous semblera
que nous n'en ayons nul besoin. Et de fait il y a
deux façons de gens qui mesprisent nostre Seigneur
Iesus Christ, et se priveut de tous les biens qu'il