volumen xxiii. - Archive ouverte UNIGE

701 SERMONS. 702
Dieu qui nous espovante pour nous rendre du
tout désespérez. Car que savons-nous que c'est
d'avoir nourriture sinon que la famine nous presse?
si nous estions enflez et souls, chacun demoureroit
en tel estât, nous ne cercherions ne pain ne pitance
(comme on dit) mais la famine nous contraint de
cercher pasture: quand nous sommes malades, nous
venons au remède, mais si un homme estoit insensible,
et qui ne fust point touché d'aucune passion
de son mal, il mouroit cent fois sans demander
secours ne sans l'appeter. Il faut donc comme i'ay
desia dit que la cognoissance de nos misères nous
touche tellement que nous soyons vrayement à la
mort, et que nous sentions la [pag. 135] mort de
laquelle parle l'Escriture à fin d'aspirer à la vie
que nostre Seigneur Iesus Christ nous présente
par son Evangile, est c'est pourquoy tant souvent
l'Escriture nous redargue de nos offences, et nous
fait comme nostre procez criminel. Car Dieu ne
prendrait point plaisir à nous manier en telle sorte,
n'estoit qu'il cognust la nécessité. Ainsi donc
autant qu'il y a de menaces en l'Escriture saincte
et de sentences de condamnation et de reproches
et de choses semblables, ce sont autant de coups
de marteau que Dieu nous donne sur la teste, à
fin de nous amener à l'humilité de laquelle nous
sommes bien loin iusqu'à ce qu'il nous ait amortis
en telle façon, voire par violence. Voila donc pour
un item. Et au reste il nous faut venir à deduction
plus ample de ce qui a esté dit, c'est que iusques
à tant que nous ayons contemplé nos misères en
la parole de Dieu, nous serons endormis en nostre
hypocrisie et serons sans souci: et ceste nonchalance-la
sera cause, que nous mespriserons la grace
de Dieu et en serons quant et quant exclus. Or Dieu
nous a proposé nostre condamnation en la Loy
notamment: il est vray que toute l'Escriture en est
pleine: et quand il est dit qu'elle est utile, entre les
autres choses, il admene les reprehensions. Et puis
nous savons que porte l'Evangile, Repentez-vous
[pag. 136], le Royaume de Dieu est prochain. Voila
comme Dieu dispose ses esleus pour recevoir la
Justice gratuite qui leur est donnée par le moyen de
•son Fils, c'est que noue soyons repentans. Et
qu'emporte cela? une tristesse que nous soyons
faschez, et contristez pour nous condamner en
nostre mal et nous vengeans de nous-mesmes
comme sainct Paul en parle: car il ne met pas
seulement le mot de tristesse, et d'effroy, mais il
dit qu'il nous faut avoir un tel zèle que nous
soyons là comme pour prendre vengeance de nousmesmes,
d'autant que nous sommes ainsi ennemis
de Dieu. Or combien que ceste doctrine se rencontre
en toute l'Escriture saincte: neantmoins
Dieu a spécialement ordonné sa Loy à cela, et
c'est pourquoy sainct Paul dit qu'elle n'apporte
qu'ire. Quand on aura bien regardé à ce qui est
là dit, on trouvera que Dieu nous est contraire, et
que nous ne pouvons approcher de luy sinon qu'il
soit armé pour foudroyer contre nous, et pour nous
abysmer pleinement. Vray est que la Loy nouB
monstre bien que c'est de iuetement vivre, et d'acquérir
iustice si nous en estions capables, comme
nous traitterons plus au long ici après. Il est
escrit au dixhuitieme chapitre du Levitique: Qui
fera ces choses, il vivra en icelle: mais cependant
regardons si nous approchons mesmes de' ce que
Dieu nous commande? [pag. 137]. Il est vray
qu'encores les hommes sont si outrecuidez que la
Loy, iusques à ce qu'elle soit bien entendue, ne
suffit point pour les mater et pour les despouiller
de toute folle présomption. Car voila sainct Paul
qui avoit esté enseigné des sa ieunesse en la Loy,
il estoit du rang des docteurs: il dit neantmoins
qu'il n'a pas laissé de présumer de ses vertus, et
cuidoit estre bien iuste, il avoit la Loy à laquelle
il s'arrestoit, mesprisant la grace de nostre Seigneur
Iesus Christ. Et pourquoy? Il ne regardoit qu'à
l'apparence, comme quand il est dit : Tu ne tueras
point: et bien il n'estoit pas meurtrier: Apres, Tu
ne paillarderas point, on ne void paB aussi qu'il
fust un putier ou un paillard: Tu ne desroberas
point, il n'estoit point larron. Il pensoit donc
estre quitte du tout devant Dieu. Et voila comme
il estoit endormi en ses vaines flateries. Mais
depuis Dieu l'a reveillé et l'a amené plus loin, et
le fait entrer iusques au plus profond de ses pensées.
Et quant il est dit, Tu ne convoiteras point, alors
il voit qu'il est convaincu et condamné tellement
qu'il n'y a plus d'absolution. Car il sent qu'il a
beaucoup de vanitez en soy qui le chatouillent, sa
fragilité luy fait concevoir beaucoup de tentations,
il cognoit qu'il ne s'est point aquitté de la centiesme
partie de l'amour de Dieu [p. 138], qui doit estre
en tous fidèles. Sainct Paul cognoit cela: ainsi le
voila comme un povre trespassé, il oublie sa vie,
de laquelle il avoit esté trompé et deceu, et cognoit
qu'il est du tout comme une povre charougne pourrie
devant Dieu. La loy l'occit tellement qu'il n'a
plus dequoy présumer en soy. Et voila pourquoy
i'ay dit, qu'il y a une raison speciale contenue en
la Loy de Dieu, pour nous monstrer ,qu'il n'y a en
nous que condamnation: car il nous faut ici arrester
premièrement à chacun précepte. Nous devons
avoir un seul Dieu. Et quel est-il? comment
est-ce qu'il est servi et honoré de nous? Quand
nous serons du tout attachez à luy, que nous ne
cercherons autre bien, ni autre félicité, ni resiouissance
que de le glorifier, qu'on n'orra que
louanges et actions de graces de nos bouches,
qu'en toutes sortes on appercevra que nouB aspirons
du tout à luy, ayans renoncé au monde, que son