volumen xxiii. - Archive ouverte UNIGE

713 SERMONS, 714
point en conte avec ton serviteur. Car nul homme
vivant ne sera iustifié devant toy. Il faut donc
conclure que nous serons tousiours troublez, et que
nos esprits seront perplex, sinon que nostre salut
procède d'ailleurs que de nos mérites. Et encores
pour mieux comprendre cela, advisons bien à ce
qui a esté dit, c'est que nous ne contenterons pas
Dieu de nèfles. Et c'est une chose terrible que de
l'avoir pour partie adverse. Or il le sera tousiours
cependant que nous voudrons présumer de nos
oeuvres.. Car nous luy deroguons autant, et luy
voulons ravir son droit, comme il a esté [pag. 160]
monstre que quiconque n'a la bouche close pour
ne s'attribuer aucune gloire, et quiconques n'a la
bouche ouverte pour confesser qu'il n'y a que Dieu
seul qui soit iuste, il est certain qu'il combat contre
luy. Or nous ne gaignerons pas nostre procès:
tousiours la condamnation demourera sur nos testes.
Ainsi donc que nous penserons bien de ne point
provoquer son ire à nostre escient à l'encontre de
nous, et au reste il faut bien que les hommes
soyent hors du sens, quand ils peuvent mettre
quelque confiance en leurs mérites. Et y a ici
double abus, voire et qui en attire un troisième.
Car il y a un abus quand les hommes cuident
pelle-melle conter avec Dieu ainsi que font les
Papistes. Et encores qu'ils défaillent en beaucoup
d'endroits, neantmoins ils se font à croire qu'ils ne
laissent point d'estre acceptez de luy. Or Dieu
n'a rien promis sinon à ceux qui accompliront
toute la Loy. Notons bien ce mot où il est dit,
Quiconque fera toutes les choses escrites en la
Loy, il vivra en icelles: il n'est pas dit une partie
tant seulement. Et c'est ce que dit sainct Iaoques,
que celuy qui a défendu de paillarder, il a deffendu
aussi de desrober. Quand donc un homme aura
vescu chastement en toute sa vie cependant s'il est
coupable en quelque autre poinct, il ne laissera pas
d'estre condamné. Et pourquoj? [pag. 161] Ce que
Dieu a conioint, il ne peut estre divisé par nous,
la iustice de la Loy est conioincte et unie: il ne
faut point donc que nous prétendions de la couper
par pieces et par morceaux ne d'enfaire certaine
portion. Or maintenant regardons bien si en tout
et par tout nous pouvons nous aquiter en sorte
qu'il n'y ait que redire en toute nostre vie, helas,
qui sommes-nous? Comme dit Salomon: Qui dira
i'ay purgé mon coeur? Il est vray que beaucoup
le cuident, car il y a aussi beaucoup d'ypochrites
au monde. Mais il faut qu'un homme soit plus
qu'insensé comme i'ay dit quand il en vient là: car
s'il regarde à quel iuge il a affaire, quoy qu'il en
soit quand nous aurons bien pensé à tout, il est
certain que si nous apportions à Dieu une unce ou
demie qu'il y aura un quintal par manière de dire
à l'opposite: nous cuiderons le contenter d'une
demie unce et cependant il trouvera pour nous
condamner en un quintal. Et que sera-ce? Ainsi
que nous apprenions de bien cognoistre quels nous
sommes, à fin de n'estre rien du tout. Et pensons
comme i'ay desia dit, que nous ne pouvons parvenir
à salut sinon quand nous sommes asseurez de Dieu
pour l'invoquer comme nostre Père. Or outre cest
abus premier, il y a le second, c'est que ceux qui
se penseut iustifier par leurs mérites, ne regardent
point qu'il n'y a pas une seule oeuvre qui soit
bonne, quand Dieu la voudra [pag. 162] iuger à la
rigueur, i'ay desia dit qu'encores que nous fissions
la moitié de la Loy ou les trois pars, que ce n'est
rien: car nous ne laisserons pas d'estre condamnez
si nous avons défailli en un seul article: mais voici
encores une autre raison, c'est assavoir, que nous
n'approchons nullement d'accomplir la Loy ni du
tout ni en partie. Et comment cela? Nous dismes
hier que nos oeuvres ne se iugent point de Dieu à
nostre opinion. Il a son pris et sa balance. Et
comment les iuge-il? C'est si le coeur est du tout
pur et nettoyé de toutes souillures charnelles. Et
où se trouvera un tel coeur? Nous sommes tousiours
envelopez en beaucoup d'affections mauvaises, et
combien qu'elles ne dominent point en nous, toutesfois
si est-ce que nous ne les pouvons pas du tout
despouiller. Il ya a davantage que iamais nous
n'aurons un tel zèle de glorifier Dieu comme il
seroit requis, il y aura tousiours quelque infirmité:
nous y tendrons. bien, mais ce n'est pas qu'il y ait
perfection telle qu'elle puisse suffire devant sa face.
Car il n'est point ici question de dire, ie cuide, ie
pense, mais il faut conclure, Dieu l'a ainsi prononcé,
Dieu l'approuve. Nous serons donc bien loin de
rien mériter devant luy, ne d'avoir repos en nos
consciences: car outre ce que nous défaillons en
beaucoup d'endroits, et qu'il n'y a celuy qui n'ait
des remords [pag. 163] tous les iours, encores que
nous cuidions le mieux faire qu'il est possible, tant
y a que nous allons en clochant. Il y aura quelque
débilité qui polue les bonnes oeuvres mesme. Y a-il
iamais eu oeuvre meilleure que celle d'Abram, quand
il a esté prest de tuer son fils? Et toutesfois il est
certain qu'il a eu beaucoup de regrets en soy, qui
monstroyent sa foiblesse. "Voila donc ceste oeuvre
qui est encores souillée devant Dieu, et ne peut
estre réputée pour mérite. Que sera-ce maintenant
de ce que nous faisons, veu qu'il n'y a celuy qui
ne se trouve bien empesché, quand il est question
de se mettre en chemin? Encores qu'on se vueille
employer pour servir Dieu fidèlement, tant y a
qu'on n'y va point d'une telle droicture et intégrité
qu'il seroit requis, non pas de la centiesme partie.
Ainsi donc il nous faudra tousiours demourer en
trouble et inquietude, et si nous ne sommes pas
trop aveugles chacun cognoit cela. Or i'ay desia