volumen xxiii. - Archive ouverte UNIGE

•647 SERMONS. 648
ne fust exercé aux armes ny rusé en façon que ce
soit: si est-ce neantmoins qu'il surprend ses ennemis,
et se rue sur eux de nuict, voire alors qu'ils
pouvoyent estre à leurs aises, et après avoir bien
beu, mangé et gourmande: mesmes qu'ils pensoyent
estre bien asseurez, qu'ils avoyent eu la despouille
de Sodome et Gomorrhe. Or nous savons qu'en
telles victoires il se commet beaucoup d'intempérances
et de dissolutions. Âbram donc a bien ceste
astuce de surprendre ses ennemis: et toutesfois si
est-ce qu'il devoit estre estonné de ce qui estoit
advenu, et de ce qu'il avoit veu les ennemis avoir
telle victoire. Et quand il vient là soudain et se
haste, ces choses-la ne se font pas sans tumulte:
mais Dieu le gouverne par son Sainct Esprit. De
là cognoissons que Dieu voulut [pag. 25] besongner
par luy: et non seulement en faveur de Lot, mais
afin qu'il cognust que la promesse n'estoit pas vaine
ny frivole, quand Dieu luy avoit donné la maistrise
et supériorité sur tout le pais de Canaan. Yoyla
en somme ce que nous avons à retenir. Il est dit
çonsequemment, que (le Boy de Sodome est venu au
devant de luy) qui est pour magnifier la grace de
Dieu envers Abram. Car desia nous avons allégué
le passage d'Ezechiel, où il est dit que ceux de
Sodome estoyent pleins de fierté, et que c'a esté la
source de toutes les enormitez qui ont provoqué la
vengeance de Dieu pour les exterminer du tout.
Or quelque orgueil qu'il y ait eu au Roy de Sodome,
si vient-il faire hommage à Abram, cognoissant
qu'il luy doit toute sa vie et tout son pais. En
cela donc voyons-nous comme Dieu a conduit tout
cest affaire, et comme il a bénit son serviteur
Abram. Il est vray qu'il eust beaucoup mieux
aymé ne bouger de sa tente, et de ne se point
mettre en tel peril et hazard: mais Dieu luy a
tendu la main, et a voulu qu'il experimentast sa
vertu et son secours au besoin. Cela par consequent
a beaucoup profité à Abram: car s'il fust demeuré
en sa maison sans avoir cogneu une telle defense
de Dieu, il est certain qu'il ne pouvoit estre si
bien conformé comme il a esté depuis. Nous voyons
donc quand Dieu nous envoyé quelques afflictions
[pag. 26], combien qu'elles soyent dures et fascheuses
à porter du commencement, tant y a qu'à la fin l'issue
nous en est utile et profitable pour nostre salut. Car
patience engendre probation, dit S. Paul. Afin que
cognoissons par effect qu'alors Dieu nous a secouruz, :
et quand nous le cognoissons, nous soyons confermez
de plus en plus pour espérer en luy. L'espérance
ne nous fait iamais honte, car celuy qui a son
recours à Dieu ne se trouvera iamais confus. Ainsi
donc nous voyons que nous ne nous pourrons tenir
quois et paisibles, iusques à tant que Dieu nous
monstre pourquoy il nous a affligez, et que cependant
il nous face sentir que c'est pour nostre bien,
et que par consequent nous avons occasion de le
bénir et de l'invoquer avec plus grande certitude.
Voila ce que nous avons à observer sur ce point.
Or Moyse dit que le roy de Sodome est venu au
devant d'Abram, il adioute puis après, (que Melchisedec
Boy de Salem a aussi offert du pain et du
vin). Et d'autant qu'il estoit sacrificateur du Dieu
souverain, qu'il a bénit Abram: et qu'Abram luy a
donné les décimes de toute la despouille. Voyoi
une histoire notable s'il y en a en toute la saincte
Escriture: et non seulement une histoire, mais ça
esté une image vive pour représenter nostre Seigneur
Iesus Christ, comme il en est parlé au Pseau. 110.
Car ce n'est [pag. 27] point sans cause qu'il est là
dit que Dieu a iuré, et qu'il ne s'en repentira point,
que le serment solennel qu'il a fait sera immuable:
c'est assavoir que Iesus Christ est Sacrificateur selon
Testât de Melchisedec. S'il n'y avoit que l'histoire,
voicy Melchisedec qui est bien nommé sacrificateur
de Dieu: mais quoy qu'il en soit, si n'est-il point
pareil en estât avec Abram, il s'en falloit beaucoup.
Car il sera dit ci après qu'Abram est père de tous
fidèles et de toute l'Eglise, et que tous ceux qui
sont enfans de Dieu, doyvent estre enfans spirituels
de luy. H falloit donc que Melchisedec en une
sorte fust son inférieur. Tant y a que Moyse luy
attribue dignité par dessus Abram, comme l'Apostre
le traitte et le déduit très bien, ainsi que nous
verrons. Aucuns ont eBtimé que ce fust Sem: mais
il n'y a nulle verisimilitude en cela. Et qu'ainsi
soit, Abram eust-il si longuement attendu de veoir
le patriarche Sem, donc il est estoit descendu? Il
n'y a nulle doute qu'au premier coup il ne se fust
adressé à luy, et que mesme il n'eust habité en sa
compaignie: car il estoit Roy de Salem. Et Abram
se pouvoit venir renger sous son umbre, mais il a
tracassé par toute la terre: et cependant nulle mention
de Melchisedec. Davantage ce n'est point sans
cause que l'Apostre note que Melchisedec a esté
sans père et sans mere, sans origine et sans fin
[pag. 28], comme un homme qui seroit descendu du
ciel, et qui seroit immortel. Non pas que Melchisedec
n'aye esté du rang et du nombre des hommes:
mais l'Apostre veut signifier qu'il est introduit
comme s'il n'avoit iamais eu naissance. On ne sait
de quel père il est engendré, ne de quelle mere il
est descendu: on ne sait rien de son lignage ny
de toute sa vie: et puis il n'est point parlé de son
trépas: et mesmes il est sacrificateur du Dieu vivant.
Cependant il se monstre, et puis tantost il
se cache, et s'ensevelit, et ne sait-on .comment et
en quel temps. Là dessus l'Apostre monstre qu'il
a esté figure de nostre Seigneur Iesus Christ, lequel
combien qu'il soit Fils éternel de Dieu, toutesfois
n'a point de père à la façon commune, d'autant que
son essence divine est spirituelle et éternelle: et