Lizardiren poetika pizkundearen ingurumariaren argitan - Euskara

arauei jarraituz zazpi silabatakoa ateratzen da, e+e eginez gero, beraz, aurreko beste bi olerkietan
sumatu ditugun "akats"en artean aipatu beharrekoa .
1925ean argitaratu zuen bertsioan ordea, akats hau zuzendua agertzen da :
"Zaurituta, gaxorik, 7
gazterik nekatuta, 7
listor-eztiz aseta 7
samiñez gogoa, 6
Ezti zeurea nai-det 7
ezti goitar-gozoa 7
ludiko loriena 7
ez bezelakoa 6
Lizardik esaldiaren ordena aldatuz galerazi du, 1919ko bertsioan nabaritzen zen akats hura :
"Zeure+eztiya nai det" 6
«Ezti zeurea nai det" 7
Beraz, zera ondoriozta daiteke zalantzarik gabe : Lizardi era konsziente batean lotzen zaio
"sistema berriari" 1918z geroztik, eta olerki horietako batzuetan, hiru guztira, nabaritzen ditugun
"akatsak" sistema berriari egokitzen ari zaion poeta hasi-berriaren ezintasunen lekuko baizik ez dira .
1 .3.3.2. Molde berriko salbuespenen erabilera
1925eko olerkietatik aurrera nabari dugun metrika alorreko perfekzio zaletasunean, bada beste
joera xume bat azpimarkatu beharrekoa : Lizardik Sabino Aranaren araudiak onartzen dituen lizentzia
metrikoak ahalik eta gutxien erabili nahi ditu .
Izan ere, hizkuntzaren hobetze, lapurteragotze eta eredu bakar bati lotzeko duen joera linguistiko
eta poetiko aitortuaren bidetik, Sabinok onartzen dituen hitz beraren ahoskera ezbedinak ez ditzake
onar, eta aide horretatik, Lizardiren baitan bi ideia hauen artean koordinazioa bilatzen ari dela
sumatzen da 1918tik 1930ra doan hobekuntza prozesuan .
Sabino Aranak bere arauen formulaketan onartzen dituen salbuespen edo "lizentziak" direlakoei
dagokienez, Lizardik 1918ko lehen olerkietan erabili zituen batzuk izkuta arazteko joera nabari zaio
hurrengo bertsioetan, arestian aipatu dugun hobetze ahalegin hori salbuespen horiei ere aplikatzen
dielarik .
Lizardik gehienik erabiltzen duen salbuespena bokale arrean hizkera mintzatuan erortzen diren
leherkari ozenak, (b,d,g) erortzen uztea da, horrela elkarren ondoan geratzen diren bokaleek diptongo
onargarria osatu ahal izan dezaten .
Esate baterako, Nire maitiak ditu deritzan 1918ko olerkian :
"Bañan zuk neretzako 7
eztezunez gero 6
beazuna ta ozpin-garratz-miña baño 7/6
nere malkuak-arren 7
ezpai-nazu maite . . . 6
negarra biarrian ein dezadan parre 7/6
Azken bertsoan ikusten den "egin>ein" aldaketa, beraz, silaba kontaketa ongi ateratzeko
lizentziaz baliatzen da .
Izarkitako sua 1919ko olerkian ere lizentzia bera darabil :
176