Lizardiren poetika pizkundearen ingurumariaren argitan - Euskara

OHARRAK
Bertsioak :
Bi bertsio ezagutzen dira : lehenengoa : 1926koa, 1926-12-26an, Argian 297 ., 1 . or . argitaratua eta
bigarrena : Biotz Begietan liburuan jasorikoa eta 1926kotzat dataturikoa, (Olerkiak ,1983, 61-82 . or.)
Lehenegoan prosa poetiko gisa argitaratua da, eta lehen zatian lau esaldi/ahapaldi gehiago ditu .
Bigarren bertsioan esaldiak bertso-lerroetan ebakirik daude eta zenbait aldaketa ditu eraginik.
Olerki bertsiora aldatzean eginiko aldaketak parentesi artean eta letra italikaz adierazi dira
oinarritzat lehen argitaraturikoa hartuz, eta aldaketak bigarren argitaralpenari dagozkiolarik .
Ohar metrikoak :
Ahapaldia: 7/5a/7/7/3a
Errima: azken bokala edo azkeneko bietan oinarritua .
Erritmoa : Anaforak lehen eta bigarren zatien sarreretan, azken zatian, berriz, lelo aldakorra den
gabonzaleen kantua. Ikus III . Partean, 1 .4 .5 ."Beste zenbait baliapide erritmiko " .
Ohar tematikoak:
Zeru Azpia poeman bezalako sinbolizazioa egiten du aingeru eta haur hilaren arrean . Garai
beretsukoak dira eta olerkariaren bizitzaren gertakari errealetan oinarriturikoak .
Ohar literarioak :
Aldakeri poema bezala narraziotik olerkira igarotzen da, eta bi bertsioak ditugun bi kasu
bakarrak dira, olerki gehiagoren sortze-prozesua hau izan zela pentsa baliteke ere Biotzean min det
edo Gure Mintzon bezala. Ohargarria izenburuaren gainean ezarririkoa : "Gabon ipui berria"
izenburua, ipuingintzan sail berezia osatzen duren Eguberrietako ipuinen arrean kokatu nahirik .
Kasu honetan, narraziotik poemara aldatzeak naturalago eginik dago : errima bakanagoa da eta
errazagoa, eta trinkotasun eta "bitxitze" ahalegina naturalagoa, Aldakerin baino, metrika aldetiko
askatasun gehiagoko ahapaldia hautatu duelarik .
Aipagarria da era berean, lehen zatiaren amaierako aingeruen jostaketei buruzko zertzeladak
kendu izana, eta Orixek "Lizardiren azken olerkiak" delakoan zenbait bertso bakandu ere egin
zizkiola esan zuenean, poema honezaz ari zitekeela pentsa daiteke. Dena den, gaiaren intentsitate
emotiboaren zerbitzuan eginiko ezabaketa da, eta Lizardik Aldakeri olerkian ere egin zituen joera
bereko laburtzeak .
53 3