isahluko 1 - UKZN ResearchSpace - University of KwaZulu-Natal

izimelamsindo ukwakha amagama. Ngakolunye uhlangothi, i-analytial method ifundisa
umsindo njengengxenye yegama eliphelele. Isibonelo umsindo u-‘g’ umsindo kagogo.
Abantwana bafunda amagama amasha ngesikhathi kufundwa lo msindo omusha. Nakuba
lezi zindlela ezimbili zehlukana, umphumela uyafana ngoba ekugcineni ingane ifunda
amakhono okwakha amagama ngokusebenzisa izinhlamvu noma iqoqwana lezinhlamvu.
Lapho le ndlela isetshenziswa kahle, abantwana bayakwazi ukuzifundela ngokuzimela.
UJoubert nabanye (2008, p. 9) bathi le ndlela ihambisana nokusetshenziswa kwamasu
athile anjengalana alandelayo:
� ukunamathelisa umsindo egameni elithile, njengokuthi nje umsindo u’d’ umsindo
wedada.
� Ukubhala izinhlamvu zemisindo ukwakha igama emoyeni, phezu kwetafula,
emhlane womunye umfundi, ozoqagela ukuthi igama lelo elibhalwa emhlane
wakhe lithini.
� Ukusetshenziswa kwezithombe ukukhombisa amagama athile.
� Ukusebenzisa amagama asikiwe (flash cards) ukuzivoca ekuwabhaleni.
� Ukusebenzisa igama ezimweni ezahlukene.
� Ukuphindaphinda igama.
UJordaan (1991, p. 282) ugcizelela ukuthi abacwaningi abaningi bemfundo
bayavumelana ngokuthi le ndlela isemqoka ezilimini ezincike kakhulu empimisweni
njengesiBhunu, isiZulu, isiXhosa, isiSuthu, kanye nesiPedi, kodwa ingaholela ekufundeni
ngokubala amagama njengoba kulukhuni ukuhlukana nomkhuba wokuphimisa igama
negama kulezi zilimi (p. 90). Nangale kwalokho, abanye abafundi bangathwala kanzima
ekuhlanganiseni imisindo ukuba ibe ngamagama. Abantwana bangagcizelela kakhulu
ekubizeni amagama ngendlela eyiyona ngendlela yokuthi kuze kulahleke okuyiyona nto
esemqoka; ukuqondisisa umusho kumbe isigaba. Ngaphandle kwalokhu, eminye
yemitheshwana yokusebenzisa le ndlela ingadala ukudideka kubantwana (Joubert et al,
2008, p.90).
71