isahluko 1 - UKZN ResearchSpace - University of KwaZulu-Natal

Ngakho-ke ngenxa yokungabi naso isithombe sokuyiyona njongo yokufunda okubhaliwe,
ngisho sebethi bayazihlola izingane, abazihloli ukubheka ukuthi zithuthuke kangakanani
ekufundeni okubhaliwe, kodwa lapho behlola ukufunda okubhaliwe bahlola izingane
ngokuthi zibhale isibizelo nokubhala umusho owodwa, kwesinye isikhathi ungabi bikho
kwawona owodwa umusho, okuyinto abayenza ekupheleni kweviki. Ngamanye amazwi
ngenxa yokulahlekelwa ngokuyiyona njongo yokufunda okubhaliwe, nalapho sebezihlola
izingane, othisha bahlola izingane ukuthi ziyathuthuka ekufundeni okubhaliwe ngokuthi
zenze umsebenzi obhalwayo. Lokhu kutholakala kwabakwenzayo nasemazwini abo
bonke othisha ababeyingxenye yocwaningo ukuthi lapho behlola abafundi ukufunda
okubhaliwe kusho ukuthi kudinga babhale. Lokhu babeze bakugcizelele ngokuthi phela
ngeke unguthisha ukwazi ukubona ukuthi izingane ziyakwazi ukufunda okubhaliwe uma
zingabhali, ngakho kufanele zihlolwe ngokuthi zibhale: Isibonelo, omunye uthisha
wathi:
Baye baphendule imibuzo...mhlampe kube nesiqeshana, after June kwa
Grade 3 ziba ningi izindaba...kufanele umbuze ukuthi igama elithi i-
university liphi kule ndaba? Usezofunda-ke mhlampe uyalibona emshweni
othi uMark wayefunda eyunivesithi yase-UKZN...umbuze ukuthi igama
elithi isigcwelegcwele liphi kule ndaba. Ngalokhu sisuke sizama ukuba
encourager ukuthi bafunde emakhaya bafunde nendaba. Bese kuba
nemibuzo yale ndaba, kuye kufanele bayiphendule leyo mibuzo, bayifunde
bakwazi ukuyiphendula ngokwama group, njalonjalo. Bayaphendula babhale
phansi. Imibuzo isukela endabeni, baphendule futhi ukuthi igama elithile
liphi...
Lokhu kuyashayisana nokushiwo nguGoodman benoGoodman (2009) ababeka ukuthi:
There is no reading without comprehension...Learning to read is learning to
make sense of written language and teaching reading is supporting the
development of comprehension...Everything necessary to the development of
reading comprehension is learned in the process of using written language to
make sense...There are no skills to be learned prior to reading real
meaningful texts...Vocabulary is built in the process of reading just as oral
vocabulary is learned from oral communication....Nothing needs to be
learned prior to using meaningful authentic texts in instructionReading is
learned from whole to part and not from part to whole... (p. 92)
290