isahluko 1 - UKZN ResearchSpace - University of KwaZulu-Natal

lobunjalo botho (qualitative research) luvumela umcwaningi ukuba akhethe isigaba
esisodwa noma indikimba eyodwa, ayicwaninge ajule, akhe izindikimba ngakutholile
olwazini oluqoqiwe ocwaningweni (Terreblanche et al, 2006, p. 47). Ngale kwalokhu,
ucwaningo lobunjalo botho kusemqoka ukuthi kwaziwe ukuthi lungenza lokhu
okulandelayo: lungachaza (describe), luhumushe (interpret), luqinisekise (verify), futhi
luhlole (evaluate) (Peshkin, 1993). UYin (1987, p. 82) uchaza kanje lapho echaza
ucwaningo lobunjalo botho:
Qualitative methods are particularly well suited for examining instances of
self regulated learning as events because they involve a rich, holistic
descriptions, and do not make assumptions, intra-individual stability, and are
oriented to revealing complexity.
Njengoba bese ngike ngachaza phambilini, ulwazi oludingwa yilolu cwaningo lwaqoqwa
kubahlanganyeli bocwaningo (okungothisha basezikoleni ezimbili zaseMlazi), akukho
kuqagela okwenzeka noma okwacatshangelwa njengoba kwenziwa izingxoxo nabo
kwaphinde babukelwa ngesikhathi befundisa ukufunda okubhaliwe emakilasini.
USherman benoWebb (1988) bayavumelana ngokuthi indlela yocwaningo lobunjalo
botho iyona evuma kahle ocwaningweni olufuze lolu. Bathi:
A direct concern with experience as it is “lived” or “felt” or “undergone”.
Qualitative research involves the use of qualitative data, such as interviews,
questionnaires, documents, texts, and participant observation data, to
understand and explain social phenomena. Examples of qualitative methods
include action research, case study research and ethnography. (p. 84)
Njengabanye abacwaningi, u-Eastwood (1988), yena uthi okuyilona phawu olumqoka
locwaningo lobunjalo botho ukuthi lugxile kakhulu ekuqondeni izehlakalo noma izimo
ezenzeka ngempela. Kusemqoka ukuphawula ukuthi ucwaningo lobunjalo botho
luyindlela yocwaningo lapho umcwaningi engabeki migomo ngocwaningo kodwa
okusemqoka kuyilokho okuluvo lwabahlanganyeli bocwaningo. Ngakho-ke imiphumela
yocwaningo lobunjalo botho iqondana ngqo nendawo noma nesehlakalo leso
socwaningo, ayikwazi ukwenatshiselwa kuzo zonke izindawo noma kwezinye izimo
ezingaphathelene naleso esisuke sicwaningiwe. Ngale ndlela ukwazi ulimi lwalabo
abacwaningwayo kusemqoka ocwaningweni lobunjalo botho, ukuze umcwaningi aqonde
91