isahluko 1 - UKZN ResearchSpace - University of KwaZulu-Natal

lelo qoqo lamaqiniso eselike lavivinywa liphindelelwa, noma abantu abaningi
bavumelana ngalo (p. 848). Izinjulalwazi ziyizincazelo eziwumphumela wocwaningo
olunzulu futhi zeyeme ezinkolelweni ezithile kanti zisetshenziswa ngabantu abaningi.
UThomas (1996), uqinisekisa ukuthi:
Theory is an explanation of how the facts fit together. More precisely,
theorizing about a topic means the act of proposing which facts are most
important for understanding that topic and what sorts of relationships among
the facts are most significant for producing this understanding. Theory is
what makes sense out of facts, and it gives facts their meaning.
Ngale ndlela kuyacaca ukuthi injulalwazi ilekelela ekukwazini ukuchaza amaqiniso athile
ngesimo esithile njengoba phela isukela ocwaningweni.
4.3 UHLAKA LWENJULALWAZI (THEORETICAL FRAMEWORK)
Uhlaka lwenjulalwazi lungumgogodla kumbe isibuko sokubuka into ethile, noma yiso
lokubuka, noma lokuqonda into ethile; kanti futhi luyinhlanganisela yemicabango ethile
enobudlelwano njengensizakuhlaziya (theory), kodwa lona alucutshunguliwe
njengensizakuhlaziya. Uhlaka lwenjulalwazi yilona oluba ngumgogodla wocwaningo,
elulawulayo. Luchaza izinto okuyizona zizohlolwa wucwaningo nokuthi kuyohlaziywa
kanjani lokho okuyohlolwa lucwaningo, njalonjalo (Answers.com, 2009). Ngaleyo ndlela
uhlaka lwenjulalwazi lusebenza njengensizakuhlaziya esetshenziswa ukwenza
ucwaningo. Isibonelo, uhlaka lwenjulalwazi lubalulekile lapho wenza ucwaningo
ngokufunda umbhalo, nanoma yisiphi-ke nje isimo esicwaningwayo, noma ngabe
kungasizathu sini. Isizathu salokhu ukuthi abafundi bemiphumela yocwaningo bazodinga
ukwazi ukuthi obecwaninga ubesebenzisa yiphi injulalwazi.
Ngakho-ke uhlaka lwenjulalwazi kumele luveze ngokucacile kumfundi wombiko
wocwaningo ngesimo sepolitiki, senhlalo, sosikompilo kanye nomlando lapho ucwaningo
luvela khona. Lokhu kuchaza ukuthi ngisho indlela umcwaningi azohlaziya ngayo ulwazi
alutholile kufanele kucaciswe kahle. Lokhu kungenxa yokuthi abafundi bombiko
wocwaningo bazofisa ukwazi ukuthi umcwaningi wayebuka ngasiphi isibuko kumbe ihlo.
Isibonelo, umcwaningi kungenzeka ukuba ubesebenzisa indlela yokubuka yama-
115