isahluko 1 - UKZN ResearchSpace - University of KwaZulu-Natal

uvele ukhona embhalweni (does not reside ‘ready-made in a text) kodwa kuyinto
eyenzeka lapho kuhlangana khona umfundi wombhalo kanye nombhalo awufundayo (p.
1369).
Ngale ndlela umfundi, umbhalo kanye nendawo lapho kufundelwa khona kuthathwa
njengento ehlangene, engeke yahlukaniswa. Umfundi uza nolwazi oluningi embhalweni
awufundayo. Umbhalo unezinto eziningi okudinga ukuthi umfundi azibheke, kanti
umqondo wakheka ngokuhlangana kwawo lo mbhalo nomfundi wawo uqobo endaweni
ethile ngesikhathi esithile, okuyikilasi lokufundela (Pardo, 2004, p. 272). Lokhu kuchaza
ukuthi, lapho sifunda okubhaliwe , umbhali wawo lowo mbhalo usuke engasekho;
kuphela uthumela isithunywa sakhe; okungumbhalo awubhalile. Umfundi uhlangana
nawo-ke umbhalo. Ekugcineni kokufunda, akekho noyedwa phakathi komfundi
nombhalo akade ewufunda osala elokhu enjalo engashintshanga. Ngaleyo ndlela umbhalo
usuke usuwakheke kabusha (reconstructed), wakhiwa ngumfundi ngendlela eyehlukile,
ekwenza lokhu ngokuhumusha okubhaliwe (interpretation). Umqondo lowo osuke
wakhiwe kungenzeka ungafani ngqo nalowo osuselwa embhalweni ofundiwe. Ngale
ndlela ulwazi lofundayo, luyashintsha nalo.
Ngenxa yokufunda umbhalo, kwakheka ulwazi olusha. Ulwazi olwakhekayo luhambisana
nesimo kanye nenjongo yokufunda nokukhuluma. Lokhu kuhambisana nokuthi umuntu
nomuntu unomehluko komunye. Lokhu kwenza ukuthi ngisho ulwazi analo ngento ethile
(schemata) lwehluke kwelomunye. URosenblatt (1978) ugcizelela ukuthi ukufunda
kwenzeka ngendlela ehlukile kulowo nalowo muntu ngenxa yokuthi ulwazi analo ngento
ethile (schemata) alufani nolomunye umuntu, kanti lokhu yilona phawu olugqamile
lwenjulalwazi kaRosenblatt (1978).
64