isahluko 1 - UKZN ResearchSpace - University of KwaZulu-Natal

Chamot & El-dinary, 1999; Cohen 1998). Olunye ucwaningo lwalubheka amasu
okufunda okubhaliwe, kanti olunye lwalubheka ukusetshenziswa kwamasu okufunda
okubhaliwe (Sangmin, 2007; Bharuthram, 2006). UBlaine (2007) ufakaza ngokuthi uma
ukufunda kwengane esikoleni kuhamba kahle ngendlela yokuthi ingane nengane ikwazi
ukufunda okubhaliwe, ukubhala, kanye nokubala; lokhu kungaba nomphumela omuhle
kakhulu lapho ingane iqhubeka nokufunda idlulela ezikoleni zamabanga aphezulu, ngisho
nasezikhungweni zemfundo ephakeme. Kanti abanye abacwaningi babebheka okuyizona
zimbangela zabafundi abafunda kanzima (struggling readers), kanjalo nalokho
okungadala izinkinga zokufunda kubafundi abakhubazekile, abathatha kancane, kanye
nalabo abakhaliphile.
Ngeminyaka ye-1960 kuya eminyakeni ye-1980, ukufunda ngokuqondisisa
kwakufundiswa ngokuthi abafundi babuzwe imibuzo lapho sebeqedile ukufunda
umbhalo, noma banikezwe amaphepha ababezosebenzela kuwo lapho babezobhala
ngokuyiwona mqondo oqukethwe umbhalo, babheke ukulandelana kwezigameko,
balandele izimpawu, baqaphele imininingwane ethile, nobudlelwano phakathi kwesisusa
nomphumela wokuthile embhalweni lowo. Lokhu kwahamba kwahamba kwashintsha
njengoba ucwaningo lwanamuhla luyakugcizelela ukuthi kubalulekile ukuthi kubhekwe
ukuthi yini nani esuke yenzekile ukuze kufikwe ekutheni ingane iqondisise umbhalo
ewufundayo. Njengoba sengike ngachaza, ukuqhamuka ngoba usuthi uhlola abafundi
ukuthi bawuqondisisile umbhalo akunamqondo ngoba lokho kusuke kusho ukuthi uthisha
usuke efuna umphumela, kodwa ebe engacabanganga ukuthi kufinyelelwe kanjani
kulowo mphumela wokufunda okubhaliwe (Cheng, 2003; Lee, 1998; Yigiter, et al 2005;
Yang, 2004; Stannovich, 2000; Pearson, 2006; Pretorius, 2000).
2.2.1 UCWANINGO OSELWENZIWE EMAZWENI ANGAPHANDLE
Ngonyaka we-1978, uDurkin wabika ngemiphumela yocwaningo lokufunda
ngokuqondisisa olwalwenziwe emakilasini asezikoleni zikahulumeni eBoston. Emva
43