isahluko 1 - UKZN ResearchSpace - University of KwaZulu-Natal

ngayo lapho befunda ulimi lwabo iba nomthelela nalapho sebefunda olunye ulimi
(Neufeld, Amendum, Fitzgerald & Guthrie, 2006). Nakulo ucwaningo lukaLe Roux
(2002a) kwafakazeleka lokhu.
Ngonyaka wezi-2001 kuya kowezi-2004, uMnyango WezeMfundo eNingizimu Afrika
wenza ucwaningo lokuhlola amazinga okufunda umbhalo kubafundi bamabanga aphansi
ezikoleni. Lolu cwaningo lwaveza imiphumela eyethusayo ngamazinga aphansi okufunda
okubhaliwe kulabo bafundi ababebambe iqhaza ocwaningweni ababethathwe ezikoleni
zezwe lonke laseNingizimu Afrika. Lokhu kwenza ukuthi uMnyango WezeMfundo
ungenelele ekuzameni ukuthola okungaba yisixazululo kule nkinga. Kwasungulwa i-
National Reading Strategy, okuyiyona kwakuhloswe ngayo ukwenza ngcono amazinga
aphansi abafundi okufunda okubhaliwe. Ngale kwalolu hlelo, njengoba ngike ngachaza
esahlukweni sokuqala, ziningi-ke nezinye izinhlelo ezalandela lapho, ukuzama ukuthola
isixazululo senkinga izwe elibhekene nayo, kodwa kuze kube manje bekungakabi khona
mbiko oncoma ukuthuthuka kwamazinga abafundi okufunda okubhaliwe kanye
nokubhala.
Ngenkathi kusungulwa i-National Strategy for Reading, iNingizimu Afrika yabamba
iqhaza ezinhlelweni zeNhlangano Yezizwe (United Nations). Lapha ngingabala
izinhlangano ezifana ne-UNESCO Literacy Decade 2003-2013, Education for All
campaign (EFA), ehlose ukwenyusa amazinga okufunda okubhaliwe ngamaphesenti
angama-50 ngonyaka wezi-2015 (DoE, 2008, p. 4). Okuyisona sisekelo salezi zinhlelo,
yi-Millenium Development Goals (MDGs) njengoba ukugqugquzelwa kokufunda
okubhaliwe kanye nokubhala yizona zinhloso ze-MDGs (DoE, 2008a). Ubeka kanje
uMnyango WezeMfundo (2008a):
South Africa faces many challenges in promoting literacy…Books in African
languages are scarce, so children do not have the opportunity to read in their
home language...Poor matriculation results are in part due to the low levels
of students’ reading skills. University students; even those enrolled for the
languages and arts – are not proficient in reading, in terms of international
standards
(DoE, 2008a)
52