isahluko 1 - UKZN ResearchSpace - University of KwaZulu-Natal

) nokufunda okubhaliwe ngesiNgisi ulimi lwesibili nesiFrentshi, ulimi lwasekhaya
kubafundi abenza isigaba sokuqala emibhalweni yesi-French ekolishi laseMelika.
skills 5
Ucwaningo lwaveza ukuthi amakhono okufunda okubhaliwe ngolimi lokuqala
ayehlobene namakhono okufunda okubhaliwe ngolimi lwesibili kubafundi abaningi
ababefunda ngokugculisayo, kokubili isiFrentshi nesiNgisi. Ngaleyo ndlela amakhono
ababewasebenzisa olimini lwabo lokuqala isiFrentshi, babebuye bawasebenzise
nasolimini lwesiNgisi ngempumelelo. Lokhu kucacisa khona ukuthi nalapha esiZulwini,
kungabasiza abafundi ukuzuza amakhono okufunda umbhalo ngolimi lwabo lwasekhaya
ngoba bangabuye basebenzise wona lawo makhono uma sebefunda imibhalo yesiNgisi.
Ngaleyo ndlela lapho uthisha efundisa isiZulu njengolimi lwasekhaya, kubalulekile
ukuthi abhekisise indlela afundisa ngayo lolu limi ngoba amakhono abafundi
abawazuzayo lapho befundiswa, bangabuye bawasebenzise nalapho sebefunda isiNgisi,
okululimi lokwethekelwa kubo.
Ngonyaka wezi-2005, i-National Assessment of Educational Progress (NAEP) eMelika,
ehlola ulwazi lokufunda okubhaliwe kubafundi bamabanga esi-4, lesi-8 kanye nele-12;
yaqinisekisa ukuthi abafundi basemazingeni aphezulu ezikoleni nasezikhungweni
zemfundo ephakeme, bafunda kalukhuni. I-NAEP yaveza ukuthi ukufunda kwalezo
zingane ngokuqondisisa kwakusezingeni eliphansi kakhulu (USA Department of
Education, 2005). Kanjalo nase-Australia, kule minyaka edlule ucwaningo lwaveza
ukuthi abafundi abanawo amakhono okufunda okubhaliwe ngokuqondisisa emabangeni
aphansi kuya kwaphakathi nendawo kanti nothisha ngokwabo abakuqondi ukuthi kusho
ukuthini ukufundisa ingane ukufunda okubhaliwe (Woolacott, 2002). Lokhu kusho
5 Making inferences: Making an inference is also known as reading between the lines. The reader must put
together the information the author provides and the information that the reader already knows to come up
with the answer. (the text + previous knowledge = inference) (kimskorner4teachertalk.com, 2007).
46