isahluko 1 - UKZN ResearchSpace - University of KwaZulu-Natal

imiphumela yocwaningo lwangonyaka wezi-2001 yaveza ukuthi zingaphezu
kwamaphesenti angama-31 iziboshwa ezineminyaka engaphansi kwengama-26 emajele
aseNingizimu Afrika (South Africa survey, 2001-2002), kanti ngonyaka wezi-2008
zazingamaphesenti angama-38 ezazingaphansi kweminyaka engama-25 (Muntingh,
2008, p. 1). Lokhu kufakazelwa nangu-Van der Rheede (2008) othi:
While billions of rands are spent in order to eradicate illiteracy and
functional illiteracy, we fail to invest adequate resources and energy to
eradicate dysfunctional semi-literacy. In the meantime, these young people
resort to anti-social behaviour. They are frustrated, rebellious and
discouraged because they do not have the skills needed for the challenges
posed by the technologically advanced global environment. This situation is
a time bomb waiting to explode (Van der rheede, 2008, p.1).
Nokho-ke kungeze kwashiwo ukuthi onke amacala obugebengu aseNingizimu Afrika
angumphumela wokungakwazi ukufunda nokubhala, ngenxa yokuthi bakhona
nabafundile abenza izinhlobonhlobo zobugebengu, ngisho obusondelene nemfundo
(academic fraud), ukukhwabanisa izimali ezinkulu zeminyango kahulumeni,
ukushushumbisa izidakamizwa, izitifiketi zomgunyathi zemfundo, njalonjalo (South
Africa survey, 2001-2002; South African Government Information, 2010). Isibonelo,
ngonyaka wezi-2010, kwatholakala isibalo sothisha abangama-56 abanezitifiketi
zomgunyathi esifundazweni sakwaZulu-Natal, abathathu babo base beshonile, lokhu
kwabe sekusho ukuthi bangama-53 ababezobhekana nengalo yomthetho (Masuku,
2010). Kamuva kubuye kwatholakala isikhulu esithile ebesihola imali engaphezu
kwesigidi samarandi ngenxa yeziqu ezingumgunyathi kwatholakala ukuthi asinalo
ngisho ibanga leshumi. Futhi akusikhona ukuthi ubugebengu yinkinga ekhungethe
iNingizimu Afrika kuphela, naseMelika ucwaningo lwaveza ukuthi ezingama-70%
iziboshwa kuleliya zwe, yilezo ezingakwazi ukufunda nokubhala, kanti ezingama-43%
ngabantu nje emphakathini abahluphekayo futhi abanamazinga aphansi okufunda
nokubhala (Zimmermann & Hutchins, 2003, p. 4).
1.7 UKUFUNDA OKUBHALIWE NOKUBHALA, KANYE NEQHAZA
ELINGABANJWA YIKHAYA
18