isahluko 1 - UKZN ResearchSpace - University of KwaZulu-Natal

okwabe kwenzeka emakilasini ngesikhathi othisha befundisa ukufunda okubhaliwe.
Ngangingeyona ingxenye yokwenziwa abacwaningwayo ngoba ngangingabambe qhaza
kwababekwenza. Lokhu kusho ukuthi ngaya endaweni yocwaningo, ngigxile kuphela
eqhazeni lami njengomcwaningi obukelayo kuphela okwenziwa ngabacwaningwayo.
UNieuwenhuis (2008) uhlukanisa izinhlobo ezimbili zama-observers. Ubala i-participant
as observer kanye ne-observer as participant. Ubeka kanje uNieuwenhuis ngalezi
zinhlobo ezimbili zama-observer:
Observer as participant means that one gets into the situation, but focuses
mainly on his or her role as an observer in the situation. In this way one may
look for patterns of behaviour in a particular community to understand the
assumptions, values and beliefs of the participants and make sense of social
dynamics – but the researcher remains uninvolved and does not influence the
dynamics of the settings. On the other hand participant as observer is
typically found in action research projects where the researcher becomes part
of the research process, and works with the participants in the situation to
design and develop intervention strategies. The researcher becomes a
participant in the situation being observed, and may intervene in the
dynamics of the situation and even try to altar it. The researcher thus
immerses himself or herself in a chosen setting to gain an insider’s pespecive
of that setting.
(Nieuwenhuis, 2008, p. 85)
Ngale ndlela-ke ngakhetha ukuba yi-observer as participant njengoba iqhaza lami kwabe
kuwukubukela lapho othisha befundisa; angizange ngifundise ukufunda okubhaliwe
njengalokhu kwakwenza othisha. Ngamanye amazwi alikho iqhaza engalibambayo
ngesikhathi ngibuka okwakwenzeka emakilasini ngesikhathi othisha befundisa, noma
ngabe uthisha wayengenza ngendlela ethile engangingaphawula ngayo. Akukho futhi
lapho engake ngabuza khona ukuthi bakwenzelani ukuthi nokuthi ngesikhathi ngibabuka
befundisa. Angibuzanga ukuthi yini indaba kube khona ukuthi nokuthi esikhundleni
sokuthi nokuthi; nanokuthi kungani benza ngendlela ethile, njalonjalo, ngenxa yokuthi
ngangiliqonda okuyilona qhaza lami ocwaningweni lwalolu hlobo.
Lokhu kwakungenxa yokuthi okuyiyona nhloso yakhe yokubukela othisha emakilasini
lapho befundisa kwakuwukuba ahlanganise lokho abakushoyo ngesikhathi enezingxoxo
nabo kanye nalokho ababekwenza ukuze kube nesithombe esicacile ngesimo
ayesicwaninga ukufundisa ukufunda okubhaliwe emakilasini esiZulu njengolimi
101