isahluko 1 - UKZN ResearchSpace - University of KwaZulu-Natal

4.7.4.1.3 ULWAZIMAGAMA (VOCABULARY)
Ngokwejwayelekile, ulwazimagama (vocabulary) ulwazi lwamagama noma lwezincazelo
zamagama okufanele umfundi awazi lapho efunda okubhaliwe; awazi kanye nezincazelo
zawo. Kodwa-ke ulwazimagama yigama elithe ukujula kunale ncazelo. Okokuqala,
amagama angaba ngabhaliwe kumbe ngakhulunywayo. Ulwazimagama lwamagama
akhulunywayo (oral vocabulary) luhlanganisa amagama esiwaziyo futhi esikwazi
ukuwasebenzisa ekulaleleni nasekukhulumeni. Ngakolunye uhlangothi ulwazimagama
lwamagama abhalwe phansi (print vocabulary) luhlanganisa amagama esikwazi
ukuwabona siwaqonde lapho sifunda umbhalo kumbe sibhala. Okwesibili, ulwazi
lwamagama lunezinhlobo ezimbili, okungaba yi-receptive ne-productive form. Lapho
sikhuluma ngolwazimagama olu-receptive, sikhuluma ngalawo magama esikwazi
ukuwezwa ngezindlebe futhi siwabone ngamehlo.
Kanti lapho kukhulunywa nge-productive vocabulary lapho kushiwo lawo magama
esiwasebenzisa lapho sikhuluma noma sibhala. Ngale ndlela, i-receptive vocabulary ithe
ukwendlaleka kune-productive vocabulary, futhi ihlanganisa namagama amaningi
esikwazi ukuwanika izincazelo, noma ngabe singawazi kwasanhlobo singakaze
siwabone, singazi ngisho nezincazelo zawo futhi esingawasebenzisi nje lapho sikhuluma
noma sibhala (Lehr nabanye, 2008). Nakuba ziningi izincazelo zaleli gama elithi
ulwazimagama, kodwa kulolu cwaningo, leli gama lisetshenziswe ukuchaza ulwazi
lwamagama kanye nezincazelo zawo, okungaba ngakhulunywayo kumbe abhalwe phansi,
futhi ngazo zombili izindlela; i-receptive ne-productive forms. U-Duffy (2009) ugcizelela
ukuthi:
Comprehension is the essence of reading because the goal of written language
is communication of messages. If we do not understand the message, we are
not reading. And vocabulary is fundamentally important for understanding the
message. (p. 14)
Ngakho-ke ukuze abantwana bathuthuke ekufundeni okubhaliwe, kumele babe nolwazi
lwezincazelo zamagama futhi bakwazi nokuwaqonda. Ukwazi izincazelo zamagama
amaningi kunyusa isivinini sokufunda kanye nokuqondisisa umbhalo (DoE, 2008, p. 16).
Amanye amagama umntwana uyakwazi ukuzitholela yena embhalweni, elandela indlela
142