26.02.2013 Views

isahluko 1 - UKZN ResearchSpace - University of KwaZulu-Natal

isahluko 1 - UKZN ResearchSpace - University of KwaZulu-Natal

isahluko 1 - UKZN ResearchSpace - University of KwaZulu-Natal

SHOW MORE
SHOW LESS

Create successful ePaper yourself

Turn your PDF publications into a flip-book with our unique Google optimized e-Paper software.

Kwakungenzeki zibe mbili izincwadi ezifundwayo ekilasini, kwakunguMasihambisane<br />

kuphela, kanti futhi abafundi babezithengela leyo ncwadi, ayikho eyayitholakala<br />

esikoleni. Kwakungabi bikho ushintsho mayelana nezindlela zokufunda lapho<br />

kuqhathaniswa ibanga lesibili nelesithathu nelesine, ngoba kula mabanga kwakufundwa<br />

zona izindaba ezazikuMasihambisane. Indaba eyayifundwa kwelinye ibanga wawusuke<br />

sewazi ukuthi uzoyifunda nawe ngonyaka olandelayo uma yayifundwa yibanga<br />

ozolifunda ngonyaka olandelayo. Lokhu kwakungenxa yokuthi onke amakilasi<br />

ayehlangene kuleyo ndlu eyodwa. Abafundi babehlala ngokufulathelana<br />

ngokwamabanga abawenzayo.<br />

Njengoba isikole sasinothisha ababili kuphela, uthisha ngamunye wayefundisa<br />

amabanga amabili ngokushintshana. Ukucacisa, <strong>of</strong>undisa ibanga lokuqala wayefundisa<br />

nelesibili, kanti omunye efundisa ibanga lesithathu nelesine. Babefunda<br />

ngokushintshana abafundayo, omunye emva komunye. Umfundi wayefunda indaba<br />

yonke noma kuthiwe akafunde isigaba esithile noma izigaba. Umfundi wayema lapho<br />

kusho khona uthisha. Emva kokufunda-ke kwakulandela ukubhalwa kwamagama,<br />

kulandelwe yindatshana. Amagama ayeye abe yishumi bese indatshana kube yisigaba<br />

nje noma singaba imigqa emine kuya kwemihlanu. Amamaki-ke amagama ayeba<br />

yishumi; awendatshana abe yisihlanu. Lapho umfundi ethole ngaphansi kweshumi<br />

sekukonke, wayeshaywa kakhulu esandleni noma ezinqeni. Kwesinye isikhathi<br />

kwakuye kwenzeke ukuthi uthisha angabi bikho ngesikhathi sokufunda ekilasini.<br />

Wayenika abantwana umyalo ukuba bazifundele bodwa. Wayema phandle alalele ukuthi<br />

abawubangi yini umsindo bayafunda njengokomyalo wakhe. Uma babenza<br />

okuphambene nalokhu, babewukhomba onotshwala. Ngemuva kwalokho kufunda uma<br />

kungabanga bikho obanjwa esephutheni lokwenza okunye, kwakubhalwa amagama,<br />

uthisha abizele abafundi. Sincane isikhathi lapho abehlulekile babengayitholi khona<br />

induku.<br />

Ngaphandle kwalokhu, kwakuye kwenzeke ukuba umfundi owonile isigwebo sakhe<br />

kube ukufunda indaba leyo okuthiwa akayifunde, afundele ikilasi, uthisha alalele. Lapho<br />

33

Hooray! Your file is uploaded and ready to be published.

Saved successfully!

Ooh no, something went wrong!