isahluko 1 - UKZN ResearchSpace - University of KwaZulu-Natal

Nakuba ebangeni lesithathu amagama akhiwa, kodwa kwabonakala ukusetshenziswa
kwala magama emshweni kuyiyona nto eyenzeka kakhulu kunasebangeni lesibili,
njengoba ebangeni lesithathu kusukela ngawo uMsombuluko, imisho babeyifunda,
enamagama anomsindo ka ‘ngw’ okwakugxilwe kuwo. Lokhu kwakungafani
nasebangeni lesibili, lapho kugxilwa khona kakhulu ekwakhiweni kwamagama,
okuhambisana nezincazelo zamagama, nokuba abafundi bakwazi ukubona igama elithile.
Amagama nemisho ababeyakha yayiba sebhodini, bayifunde ngokuyiphindelela, kufunda
abafundi bebonke, bahlukane ngokwamaqembu babuye bafunde ngababili, kuze kufike
lapho umfundi efunda ngayedwa. Lapho kuvela igama elisha elakhiwayo, uthisha
uyalichaza, alekelele abafundi ukuba baqonde ukuthi igama lelo elani, nokuthi lisho
ukuthini. Ngamanye amazwi ukufundwa kwemisindo kuhambisana nokwakhiwa
kwamagama nezincazelo zawo, kanye nemisho emifushane. Isibonelo
senkulumompendulwano kathisha nabafundi:
T Yimaphi amanye amagama eniwaziyo analo msindo ka-ngw?
L: Amagwegwe.
T: Amagwegwe, hhayi asisho ukuthi amangwengwe phela sifunda u-ngw.
L6: Ingwe.
T: Konje ingwe yisilwane esinjani, futhi idlani?
L7: Inamabala ansundu namhlophe. Inamabala ayizindingilizi, inhle.
T: Idlani?
L: Idla ezinye izilwane.
T: Yebo, idla izilwane nabantu, inolaka kabi. Abantu iyabadla nabo uma ilambile. Ihlala
ehlathini.
T: Elinye futhi?
L: UMaNgwane
T: Good, konje uMaNgwane ngoba igama lomuntu libhalwa kanjani?
L: Siqala ngosonhlamvukazi.
T: Elinye?
L: Umango.
T: Umango? Awukho umsindo ka-ngw, kodwa-ke ake sithi ezimangweni.
T: Kukuphi ezimangweni? Yindawo enjani leyo?
T: Kusuke kushiwo kuphi uma kuthiwa ezimangweni?
L: Indawo ekude.
T: Indawo ekude? Uthini omunye?
L: Yindawo enomango noma enezimango eziningi
T: Very good, indawo etshalwe umango omningi uke uzwe nawe uma umuntu ethi hamba
uyongikhela umango ezimangweni.
T: Elinye futhi?
234