isahluko 1 - UKZN ResearchSpace - University of KwaZulu-Natal

Kule ndaba kuyakhombisa ukuthi uthisha wayegxile emsindweni ka ‘sh’. Lokhu
kubonakala ngamagama amaningi agqamisa ukuthi isifundo sasigxile kulo msindo.
Nakuba abacwaningi abaningi (Israel & Duffy, 2009; Joubert et al, 2008; Block & Parris,
2008; DeTemple & Snow, 2003; Tracy & Morrow, 2006) begcizelela ubumqoka
bezincwadi zezindaba ezinemibala egqamile, ebhalwe ngamagama amakhulu,
enezithombe, njalonjalo, kodwa lapha akwenzeki lokho njengoba kuvela kule ndaba
engenhla izithombe ezimnyama ezincanyana, nendaba engabhaliwe ngamagama
amakhulu. Lokhu kuyakhombisa ukuthi kuncane okungenza ingane ithole uthando
lokufunda okubhaliwe nokuba iwufunde ngokuwuqondisisa. Ngaphambi kokuba
ziyifunde waba nale nkulumo-mpendulwano.
T: Laphaya esithombeni engininike sona, kunezithombe laphaya, ubani ongaxoxa nje
ukuthi ubonani yena laphaya…njengoba kunezithombe eziwu two laphaya
T: Yes Minenhle
L1: Ingane ivusa umama
T: Omunye angathi ubonani?
L2: Ingane ibona inyoka.
T: Omunye angathini?
L3: Ingane icela umama ithi ngicela ungigqokise
L5 Ingane ivusa umkhulu
L: ingane ithi vuka mama kukhona abantu abezayo
T: Omunye uthi ubonani yena?
L: Ingane ivusa umama icela ayithathele ubhakha phezu kuka wadilophu
T: Muphi uwadilophu laphaya?Ngicela nisho into eniyibonayo
L: Ingane ivusa umkhulu
T: Okey, ake siqale kwesokuqala.Nibonani? Singathi sibona kwenzakalani?
L: Inyoka iluma ingane
T: Yebo umfana ulunywa inyoka
T: Inyoka uma ikubona yenze njani konje?
L: iyakuluma
L2: Ikuthifele ngophoyizeni
L3 iyakubamba ikudle izinyawo, bese iyakugwinya
T: Mhlampe ingane ishaywe yinyoka, isiyesaba nje manje
T: Esithombeni sesibili singathini nje konje…ubani ongaqagela ukuthi kwenzakalani
esithombeni sesibili
L: Ingane ivusa umama
T: Omunye angathini
L: ingane iyagula
L: Umfana ulele
T: Esithombeni sokuqala ingane ishaywe yinyoka, ngokucabanga kwakho ubani lo
olele…kwenzenjani laphaya esithombeni sesibili
224