isahluko 1 - UKZN ResearchSpace - University of KwaZulu-Natal

ngamithathu. Ngeke nje ingane ithi ifunda ukuphimisa imisindo ivele iqale ngomsindo ka
‘gq’, ‘ngq’, ‘ch’, njalonjalo.
Kanti kanjalo nothisha uNtoko ugcizelela khona okushiwo ngabanye mayelana
nabakufundisa ebangeni lesibili othisha. Lapho ebuzwa ukuthi uthisha kufanele
afundiseni ebangeni lesibili esifundweni sesiZulu ulimi lwasekhaya wathi:
Ngicabanga ukuthi ngaphandle kwemisindo ayikho into engafundeka.
Kufanele izingane ziyazi imisindo, ikakhulukazi ebangeni 1,2,3. Bakwazi
futhi nokuyibhala ngoba ukuthi babhale yikhona okubalulekile nokuyazi nje
futhi bakwazi ukuyibona ngisho isisegameni. Amaphepha bhuku abalulekile
kakhulu kanye nezinsizakufunda.
Kwavela ngababekusho othisha lapho bechaza ngokufundisa ukufundaokubhaliwe ukuthi
imisindo yiyona nto okugxilwa kuyo, kunokuba kufundiswe abantwana ukufunda
izindaba, lapho bengatghola khona ukufunda okuningi okuphathelene nolimi,
njengamagama amasha, ukusetshenziswa kwezimo zokukhuluma ezahlukene, imisho
eyahlukene, njalonjalo.
Bathi lapho befundisa umsindo ongungwaqa kunoma yiliphi ibanga kulawa aphansi,
balekelela abantwana ukuba bawukhumbule umsindo abawufundisayo. Bakwenza lokhu
ngokuthi banamathelise umsindo negama elithile. Ngamanye amazwi, lapho kufundwa
umsindo othile, kuba negama elinamatheliswa kulowo msindo. Isibonelo: umsindo u ‘p’
bawubiza ngomsindo wepani, kanti umsindo u ‘ph’ bathi ngumsindo wophaphe futhi
wakhiwa umsindo wepani (p) nomsindo wehawu (h). Kanjalo nomsindo u ‘ch’ bathi
umsindo ka ‘chama’, futhi wakhiwe umsindo wecici (c) nomsindo wehawu (h). Umsindo
u ‘sh’ bathi umsindo weshumi, kanti wakhiwe umsindo wesoso (s) nomsindo wehawu
(h), kanti umsindo u ‘ngw’ bathi ngumsindo wengwenya, futhi wakhiwe umsindo
wenunu (n), umsindo kagogo (g) kanye nomsindo wewele (w). Ngokothisha, lokhu
kuyabasiza abantwana ukuba bakhumbule le misindo kangcono lapho befunda
okubhaliwe nalapho bebhala.
155