isahluko 1 - UKZN ResearchSpace - University of KwaZulu-Natal

igama elisebenziseke ngayo, ngaleyo ndlela akwazi ukuzitholela incazelo yalo. Kodwa-
ke noma kunjalo sikhona isidingo sokuba kufundiswe ulwazimagama, umntwana afunde
amagama amasha, ngendlela ehlelekile. Amagama yiwona phela esiwasebenzisa lapho
sicabanga, ukuzwakalisa imizwa esinayo ngento ethile kanye nemiqondo esiyidlulisayo,
nokuba sifunde nangomhlaba esihleli kuwo (Makar & Philpot, 2004, p. 1). OPressley
benoHilden (2006) bathi akufanele uthisha abe nohlu lwamagama okufanele izingane
ziwazi, ngamanye amazwi uhlu lwamagama achazwayo ngoba engajwayelekile
ezinganeni, kodwa kufanele lokhu kufundiswe ngesikhathi umbhalo ufundwa, hhayi
ngaphambi kokufundwa kombhalo (p, 58).
Ngenxa yokuthi amagama ayisisekelo ekufundeni okubhaliwe, ukuthuthukisa
ulwazimagama kubantwana kusemqoka kakhulu. Yingakho nje lapho umfundi azi
amagama amaningi nezincazelo zawo, eceba olimini, kanti ukuceba ngolwazimagama
kuyinto ebalulekile ekufundeni ngokuqondisisa okuyimpumelelo. Lokhu kungenxa
yokuthi okuyiyona njongo esemqoka ekufundiseni ukufunda okubhaliwe, ukuqinisekisa
ukuthi abantwana bayakuqonda abakufunda embhalweni lapho befunda ngesivinini
(Dickinson & Tabors, 2001; Dickinson & Neuman, 2006; Makar & Philpot, 2004).
OWilson beno-Anderson (1986) babeka ukuthi lokho ongakwazi kungakulimaza.
Ngakho-ke kusemqoka ukuthi umntwana angasweli ulwazimagama, ukuze akwazi
ukufunda ngokuqondisisa umbhalo. UDuffy (2009) ubeka kanje:
Reading is language, and language is made up of words. Words reflect
experiences. For instance, you know what ‘piedmont’ means if you have
experienced living in North Carolina or if you have done a lot of reading and
talking about Piedmont region of the United States. The more experiences you
have, the more words you have; and the more words you have, the more likely
it is that you will become a good reader. Because new words come from
experiences, literate classroom environments are characterised by rich
experiences with content areas such as science and social studies. These
translate into new vocabulary. The richer the vocabulary, the more likely it is
that students will become readers. (p. 10)
La mazwi acashunwe ngenhla agcizelela khona ukuthi ulwazimagama ngenye
yezingxenye ezibalulekile olimini abantwana abaludingayo ukuze bakwazi ukufunda
okubhaliwe ngokukuqondisisa. Futhi kungeke kwayekwa ukugcizelelwa ukuthi ukufunda
143