isahluko 1 - UKZN ResearchSpace - University of KwaZulu-Natal

T: Ishoba,…konje obani abafuye izinkomo emakhaya…uma kuhlatshiwe niwenzenjani
umsila?
L: Bayalisika enkomeni uma ihlatshwa bese ubaba elithatha echela ngalo ekhaya
T: Very good omunye uthini
L: Uyasikwa bese kusala lokhu kokuchela egcekeni
T: Ishoba liyasebenza uma sichela egcekeni, futhi lisetshenziswa
nayisangoma…isangoma sisebenzisa ishoba , umsila wenkomo ukuze sibhule ngawo.
T: Nanti elinye igama, ake ulifunde ngizwe
L: Ishubhu( befunda bonke)
T: Yini ishubhu?
L: Ishubhu liphuma ethayini lemoto ngaphakathi
L: Yile nto okwenziwa ngayo isihlilingi
T:Yebo ishubhu liphuma ethayini lemoto , kunale nto esasihlilingi, okwenziwa ngayo
isihlilingi.
L: Mam, abanye babopha ngalo ipayipi uma liqhumile.
T: Good. Babopha ngalo ipayipi ukuze amanzi angaphumi
T: Funda leli.
L: Ushaka
T: Konje yini ushaka?
L: Ufishi odla abantu
T: Yebo ufishi odla abantu. Uyadliwa yini lo fishi?
L: No thisha
T: Ufishi omkhulu odla abantu
T: Nike niye olwandle
L: Yes teacher
T: Uhlala emanzini ufishi
T: Konje yimuphi omunye ushaka omaziyo
L: Ushaka marine (okuyigama lendawo lapho kukhona imikhiqizo yezinhlanzi kanye
nezinhlanzi eziphilayo)
T: Omunye
L: UShaka
T: Yebo uShaka kwakungumuntu..uye uzwe abanye bethi uShaka kwakuyinkosi
yasemashobeni eyayibusa kudala.
Emva kwalokhu wabe esethi mababhale amagama asebhodini enjengoba enjalo
ezincwadini zabo zokubhala. Umsindo ka ‘sh’ kuwo onke amagama wawubhalwe
ngombala obomvu kanti ezinye izinhlamvu emagameni zingumbala oluhlaza
okwesibhakabhaka. Amagama ayebhalwa yilana: ushukela, isheke, ishidi, ishubhu,
ishoba, ushembe, uShaka. Lesi sifundo sikhombisa khona ukuthi uthisha wayefundisa
ulwazi lwemisindo/lwezinhlamvu, ukwakhiwa kwamagama kanye nezincazelo zawo,
imisho, kanye nezindaba.
221