isahluko 1 - UKZN ResearchSpace - University of KwaZulu-Natal

ongakhulumi, ngoba basuke bengekho onkamisa, isibonelo: ph ph ph ph ph.
Okuzolandela lapho ukuba uthisha athi abafake-ke onkamisa kulowo nalowo msindo
ongu ‘ph’, ukuze bafundeke kanje: pha, phe, phi, pho, phu. Lapho uthisha uMbali echaza
ngalokhu ubeka kanje:
Njengoba umsindo ka ‘ph’ nje ngingawubhala ugcwale ebhodini kodwa
awunamqondo uma ungenankamisa kubizeka nje kungabi nazwi ngisho ukuba
nazwi, kuze kuzwakale kahle uma sekusebenze nonkamisa. Njalo nje uma
uzofaka umsindo omusha, kufanele babone nabo ukuthi ngaphandle
kokusebenzisa onkamisa lowo msindo ungafana nje, ubizeke ngendlela
eyodwa, kuze kube khona umehluko lapho sewusebenze nonkamisa. Njengo:
ph ph ph ph ph, konke lokhu kuyafana, kuze kube khona umehluko ngoba
sekufakwe onkamisa. Yingakho-ke nje kumele kugcizelelwe ukusebenza
konkamisa. Angabe esethi iphala ebe eqonde ukuthi iphela.
Othisha bayagcizelela ukuthi ekufundweni kwemisindo uthisha uyabahola abafundi
ekuyifundeni, ayiphimise bamlandele ngemumva, bekuphindaphinda lokhu. Akugcini nje
ngokuthi bayifunde le misindo, kodwa uthisha ubafundisa nokuyibhala ezincwadini.
Njengokuthi nje umsindo u-‘ph’, uthisha uyabatshela ukuthi kumele ume kanjani phezu
kukalayini lapho bewubhala phansi. Uthisha lapho ebafundisa ukubhala lo msindo
uyabafundisa ukuthi u ‘ph akancike phezu kukalayini wencwadi yabo yokubhala,
ngaphandle komsila ka ‘p’ okumele wehlele ngezansi komugqa kodwa isigubhu sika ‘p’
sibe sinamathele phezu kukalayini. Kanjalo nomsindo wehawu ongu ‘h’ kumele umsila
wenyukele phezulu.
Okulandelayo uthisha uthatha le misindo ehamba nonkamisa ayihlanganise, ukuze
babone abafundi ukuthi ngale misindo kungaphuma amagama amaningi ehlukene.
Njengokut hi nje athathe u-pha amhlanganise no-pha, lapho kuzophuma igama elithi
‘phapha’, okuyinto abayibonayo ebhodini. Lapho efuna bakhe igama elithi ‘phupha’
uthisha uthatha umsindo ka ‘phu’ awuhlanganise nomsindo ka ‘pha’ bese ethi abafundeke
abantwana. Ngaphandle kwamagama akhiwe ngale misindo, uthisha usebenzisa
imisindo asebevele beyifundile ukwakha amagama amasha, ehlanganisa nomsindo
omusha. Isibonelo, uma ngesonto eledlule kade kufundwa umsindo welala u ‘l’ uthisha
angabhala igama elithi ephula, balifunde abantwana. Angabuye athi abalibhale.
158