isahluko 1 - UKZN ResearchSpace - University of KwaZulu-Natal

7.2.1.2.5 NGOLWESIHLANU
Ngalolu suku uthisha waqale wabingelela abafundi, babuzana impilo, wabe esebatshela
ukuthi babengezukuza ngaphambili ebhodini ukuzofunda ngoba ikilasi laligcwele ngaleli
langa. Isizathu ukuthi kwakunabafundi bakazakwabo owayengekho. Nansi inkulumompendulwano
eyaba khona:
T: Ok-ke. Konje yimuphi umsindo esiwufunde kuleli sonto?
L: Umsindo kanana(n), nomsindo kagogo(g) nomsindo wewele(w).
T: Yebo, umsindo kanana(n) nomsindo kagogo(g) , nomsindo wewele(w) , bese sithi
msindo muni-ke lowo, shono.
L: ngw,ngw,ngw
T: Asizukuza phambili ngoba sibaningi amagama sizowufunda sihleli phansi.
T: Namhlanje-ke asizukufunda ngamaqembu, ngizobiza umfundi afunde igama
engilikhombayo ebhodini, ngoba sizobhala isipelingi ngamagama asebhodini.
Kule nkulumo-mpendulwano kuyakhombisa ukuthi umsindo ka ‘ngw’ yiwona uthisha
ayegxile kuwo nangalo lolu suku. Kanti kwakuzolandela ukupelwa kwamagama.
Bafunda abafundi amagama ayesebhodini behleli phansi, baqeda lapho wabe esebiza
isibizelo samagama ayishumi, ayelandelwa umusho owodwa:
Fig. 21 Isibizelo samagama nomusho owodwa
Amagama esibizelo
uNgwane, ingwebu, ingwevu, inkulungwane, uHlongwane,
ingwenya, thengwa, esangweni, ingwe.
Umusho: Ingwe idla ngamabala
Kuleli thebula elingenhla, kuyafakazeleka ukuthi isipelingi nokubhalwa komusho yizona
zinto okwakugxilwe kuzo ngosuku lwangoLwesihlanu. Lapho eseqedile lokhu, watshela
abafundi ukuba bavale izincwadi zabo ngoba base bezokwenza enye into ehlukile.
Uthisha wabe eseqala isifundo esisha esebafundisa ngebizo. Wababuza ukuthi ibizo
liyini, wacela izibonelo zamagama angamabizo. Lapho bewanikeza wayewabhala
243