isahluko 1 - UKZN ResearchSpace - University of KwaZulu-Natal

ilandela imiyalelo edingwa yimibuzo ngenkathi ifunda ephepheni lemibuzo. UJoubert
nabanye (2008) baphawula ngokuthi ukufunda okubhaliwe (reading) kungukhiye
ekufundeni ukufunda nokubhala (literacy), kanti ukufunda nokubhala (literacy)
kungukhiye ekufundeni izifundo (learning) komntwana.
UMnyango wezeMfundo eNingizimu Afrika uyithatha njengento esemqoka nebaluleke
kakhulu indaba yokufunda okubhaliwe kubantwana, njengoba kubonakala ukuthi ikhona
inkinga yokungakwazi ukufunda nokubhala kubantwana eNingizimu Afrika. Nakuba la
magama ecishe asebenze ngokufana, kodwa uMcEachern (1990) ugcizelela ukuthi la
magama awafani, awasho okufanayo nakuba ehlobene. Ubeka ukuthi i-literacy
ihlanganisa nayo i-reading, njengoba i-literacy isho ukuba nolwazi lokufunda nokubhala
lapho ichazwa ngokwejwayelekile, nakuba zikhona ziziningi izincazelo zaleli gama.
Abanye abacwaningi babuka i-‘literacy’ njengengenabudlelwano ne-‘reading’,
ezihambela nje yodwa futhi engeke yafundiswa ngokuhlanganiswa ne-reading. Lokhu
bakwenza njengalabo abangavumelani ngokuthi ukufunda umbhalo (reading)
kuyahambisana nokubhala (writing). Kodwa-ke ngokwemfundo yasesikoleni igama elithi
‘literacy’ lichaza ukufunda okubhaliwe kanye nokubhala okusezingeni lokuba kuvumele
umfundi ukuba akwazi ukufunda nokubhala ngokuhambisana nezinga lakhe lokukhula
kanye nebanga akulo. Ngakho-ke mayelana nokufunda izifundo (learning) komntwana,
umntwana kumele akwazi ukufunda umbhalo nokubhala; ngale ndlela abe ‘literate’,
ukuze aphumelele emfundweni yakhe. UMolefe (2008) ugcizelela ukuthi:
The close connection between reading, writing, speaking and listening are
well understood to incorporate all aspects of literate behaviour. Children build
on oral language knowledge as they learn to read and write; they develop a
key understanding about reading, especially phonics through writing; and they
extend their writing range through reading (p.1).
Ngala mazwi acashunwe ngenhla, umcwaningi ugcizelela ukuthi ukuze umuntu akwazi
ukufunda nokubhala, kokubili ukufunda okubhaliwe kanye nokubhala kumele
kuthuthukiswe, futhi kungabukeli phansi ukukhuluma nokulalela ngoba kukonke lokhu
kunomthelela ekufundeni kwengane ukufunda okubhaliwe. Ngale ndlela, igama elithi
‘literacy’ (ukufunda nokubhala/ulwazi lokufunda nokubhala) kulo msebenzi lingebukwe
148