isahluko 1 - UKZN ResearchSpace - University of KwaZulu-Natal

ukufunda imisindo okugcina ngokuthi umfundi azi yona kuphela kanye nokubhala
amagama (DoE, 2008, p. 13). Lapho uhlanganisa ndawonye imisindo, okuyikhono
lokufunda amagama enjengoba enjalo (decoding) kanye nolwazimagama, lapho-ke uba
sendleleni yokwakha umqondo wokufundwayo. Ngakolunye uhlangothi, amagama
abhaliwe (sight words: look and say words) ahlanganisa nokuba umntwana akwazi
ngisho ukubona ukuma kwegama, ubude balo nezinye izimpawu. UBurns nabanye (1999)
babeka bathi:
For a child to read fluently, he or she must recognize words at glance, and
use the conventions of the letter-sound correspondences automatically.
Without these word recognition skills, children will never be able to read or
understand text comfortably and competently.
Lokhu akwehlukile kokushiwo nguWren (2009) lapho ethi:
One important goal in teaching children to read is to encourage them to
abandon their natural tendency to memorize words as wholes, or to
memorize salient features of words, and instead to learn to break words
apart, examine the letters and chunks within the words, and decode them
ULapp nabanye (2005) babeka ukuthi abantwana lapho sebesezingeni lokukwazi
ukubona amaphethini emagameni basuke sebekulungele ukufunda ukupela. Ngale ndlela
ukufundisa izimelamsindo kumele kuhlinzeke ngezinto eziningi ekulekeleleni umntwana
athuthuke ekufundeni okunomqondo. UMorrow (2005) ugcizelela ukuthi umsebenzi
wokwakha amagama kubafundi abasebancane ezingeni eliphansi kumele kube yinto
esamdlalo futhi nesondelene nabakubonayo emphakathini. Lokhu kusho ukuthi lapho
uthisha efundisa kumele asebenzise imidlalo. Lokhu uthisha ukwenza ngokuthi athathe
okushiwo umntwana asebenzise izithombe, imilolozelo, ukuhlela izithombe, izithombe
ezihlelwe ngokwezimelamsindo zazo, ukuze abantwana bafunde sakudlala imisindo leyo,
bathuthuke ekuqondeni imisindo nezimelamsindo namagama, kanye nokufunda ulimi
okugxile kulokho abakwaziyo khona ekufundiseni (Lapp et al. 2005, p. 13, 36).
141