isahluko 1 - UKZN ResearchSpace - University of KwaZulu-Natal

kagogo, umsindo ongu ‘n’ babethi umsindo wenunu, njengoba kuchaziwe esahlukweni
sesihlanu.
Leyo misindo esuke isifundiwe ngamanye amaviki othisha bayigcina engxenyeni
eyodwa ebhodini, eminye-ke ibe semashadini ambalwa asodongeni. Lokhu othisha
bakwenzela ukuthi bayisebenzise le misindo lapho kwakhiwa amagama amasha. Lapho
kwakhiwa amagama amasha ngomsindo lowo osuke kugxilwe kuwo, le misindo evele
isifundiwe iyasetshenziswa ukukhombisa abafundi ukwakhiwa kwamagama, njengoba
othisha bayabakhombisa abafundi ukuthi lapho wakha igama elithile, uyisebenzisa
kanjani le misindo nomsindo lowo omusha ukwakha igama. Njengokuthi nje uthisha
athathe unkamisa ‘u’ aphinde athathe u ‘pha’ aphinde athathe u ‘phe’ bese ethi abasho
ukuthi gama lini elakhekayo. Abafundi bayawafunda amagama kanje ‘u-pha-phe’.
Uthisha lapho ethatha u ‘phe’ no ‘phu’ no ‘ka’, wayetshela abafundi ukuba bafunde lezi
zinhlamvu ukuze kwakheke igama eliphelele, bese abafundi befunda bathi: “phephuka”.
Kanjalo nalapho uthisha wayefuna bakhe igama elithi ‘isiphukuphuku’ wayethatha
umsindo ongu –i esikhaleni sonkamisa, athathe umsindo ongu –si , athathe u-phu, athathe
u-ku, athathe u-phu, aphinde athathe u–ku. Usezothi-ke abafundi abafunde leli gama
elakhiwe phambi kwabo ngemisindo engafani esezikhaleni ezahlukene. Abafundi
babekwazi ukulifunda bathi ‘isiphukuphuku’. Ngezansi ithebula elikhombisa ukuthi
othisha babebalekelela kanjani abafundi ukwakha amagama, besebenzisa imisindo abase
bevele beyifundile kanye nalowo okwabe kugxilwe kuwo ngalelo sonto, lapho efuna
abafundi bafunde igama elithi isiphethu, babone ukuthi lakhiwa kanjani:
Fig. 1 ukwakhiwa kwegama ‘isiphethu’
a e i o u
sa se si so su
pha phe phi pho phu
tha the thi tho thu
193