isahluko 1 - UKZN ResearchSpace - University of KwaZulu-Natal

ULevine nabanye (2000) bathi: “The ability to read academic texts is considered one of
the most important skills that university students need to acquire” (p.1). Ukufunda
okubhaliwe ngokuqondisisa yiyona nhloso yokufunda umbhalo (Durkin, 1993, p. 47),
okungabalulekile nje ekutheni umfundi afunde nezinye izifundo kuphela, kodwa
empilweni yomuntu yonke yemfundo eyimpumelelo, njengoba umuntu ufunda aze afe
(Pritchard et al, 1999; Strydom, 1997). UBalfour (2002, p.168), uthi:
Students have a serious problem with comprehension of written material in
English. Such a problem is serious because this skill is vital in processing
information at university level. It is for this reason that a greater focus on
the pedagogy of reading skills be taken into account at a primary school
level.
Lokhu kufakazelwa nawucwaningo olwenziwa nguPretorius (2000) olwahlola
ubudlelwano phakathi kokuphumelela komfundi ukufunda okubhaliwe (reading ability)
nokwenza kwakhe ezifundweni (academic performance). Walwenza lolu cwaningo
kubafundi baseNyuvesi YaseNingizimu Afrika (UNISA) abenza iziqu zokuqala
(undergraduates). Imiphumela yalolu cwaningo yakhombisa ukuthi abafundi abenza
iziqu zokuqala banamazinga aphansi ngendlela exakile okufunda okubhaliwe; kanti
izinga lokufunda ngendlela egelezayo (reading fluency) liphansi kakhulu. UPretorius
ubuye achaze ukuthi ama-inferencing abilities ngesikhathi umfundi efunda, anabo
ubudlelwane nokwenza kwakhe emsebenzini wakhe wesikole. Lokhu kubonakala kulabo
bafundi abafunda kahle okubhaliwe ukuthi benza kangcono kakhulu nakweminye
imisebenzi yesikole, ngenxa yokuthi ukufunda okubhaliwe yikhona okuyisisekelo
sokufunda umfundi akudingayo ukuze aphumelele esikoleni kunoma yiliphi izinga
lemfundo (Pretorius, 2000).
Kanti kolunye ucwaningo olwenziwa nguMachet benoPretorius (2004), lwaluhlola
ubudlelwano phakathi kokufunda okubhaliwe kanye nokubhala kubafundi bebanga
lokuqala, kanye nendlela isikole esikulungele ngayo ukufundisa abantwana ukufunda
okubhaliwe. Kanjalo nababekwenza othisha nendlela ababekubuka ngayo ukufundisa
ukufunda okubhaliwe kanye nokubhala, kwavela ukuthi izinto nezimo ezizungeze
umntwana, yizona ezinomthelela ekwenzeni kwakhe lapho efunda okubhaliwe (Pretorius,
54