isahluko 1 - UKZN ResearchSpace - University of KwaZulu-Natal

Lapho sebeqedile ukufunda amagama uthisha wabe esebhala imisho embalwa ukuba
abafundi bayifunde. Kule misho umsindo u ‘ngw’ wawubhalwe ngombala obomvu
kodwa ezinye izinhlamvu zamagama zibhalwe ngombala omnyama. emva kwalokho
wabe esethi abakhe eyabo imisho. Nasi isibonelo semisho ayibhalayo uthisha ebhodini:
7.2.1.2.2 NGOLWESIBILI
Fig. 17 Imisho eyayakhiwa
Imisho
• Umama usebenza eNgwavuma.
• UMaNgwane udliwe yingwenya.
• Ubaba yingwazi.
• Mina ngifunda eNgwekazi.
• Umalume ukha umango ezimangweni.
• Umkhulu akayesabi ingwe.
Ngosuku lwangoLwesibili uthisha uZandile wayesagxile khona emsindweni ka ‘ngw’
njengayizolo. Ababekwenza kwakuseyikho ukuthi abafundi bakhe amagama, bewakha
besebenzisa amagama anomsindo ka ‘ngw’. Lapho bewanikeza amagama, uthisha
wayewabhala ebhodini, emva kwalokho bawafunde onke bewaphindelela. Amaningi ala
magama kwakuyilawo ayefundwe ngayizolo. Uthisha wayewachaza, kuxoxwe ngawo,
kuphinde kwakhiwe ngawo imisho. Waba nale nkulumompendulwano uthisha nabafundi
bakhe:
T: Nisakhumbula nje ukuthi yimuphi umsindo ebesifunda ngawo izolo?
L: Izolo besifunda umsindo ka-ngw.
T: Good ishoni nonke.
L: ngw, ngw.
T: Shonini.
L: U-ngw.
T: Very good!
T: Wakhiwa kanjani lo msindo?
L: Wakhiwa umsindo wenunu u-n.
T: Very good!
T: Namuphi futhi?
236