isahluko 1 - UKZN ResearchSpace - University of KwaZulu-Natal

T: Ngipheni-ke amagama.
L: Pika.
T: Cha, nawe uyezwa nje ukuthi akekho umsindo ka ‘pha’ laphayana.
L: Phika.
T: Good, elinye.
L: Pheka.
Kanti nomunye uthisha wacashunwa enza le nkulumompendulwano nabafundi bakhe
bebanga lesithathu:
T: Ubani othi mina ngingawubhala lo msindo oshiwo uMemu? Yes mfana.
L: u-ngw (ewubhala)
T: Ha ha ha, ake nimshayele izandla umfana uyawazi lo msindo
L: Thank you, very much, keep it up shine( basho lokhu nje bashaya ihlombe)
T: Ubizwa kanjani wona lo msindo?Unemisindo emingaki?
L: Unemisindo emithathu
T: Yimiphi leyo misindo?
L: Umsindo kanana (n) nomsindo kagogo (g) nomsindo wamawele (w).
T: Yes, very good, ake ngiwubhale ebhodini lo msindo wethu. Konke lokhu kokuthathu
kwakha lo msindo wengwenya.
Kulezi ziqeshana zezinkulumo zothisha nabafundi ezicashunwe ngenhla, kuyakhombisa
ukuthi lapho othisha bencoma izingane ukuze bazikhuthaze lapho zenza kahle,
bazincoma besebenzisa amagama esiNgisi. Lokhu ngikusho ngoba bonke othisha
ababeyingxenye yocwaningo, babenza njengoba ngikhombisile kulezi zibonelo
ezingenhla. Kanti kwabonakala futhi ukuthi abafundi nabo lapho bejabulela omunye
onconyiwe, noma bezijabulela isingabo benconywa nguthisha, basebenzisa sona isiNgisi
ukukhombisa injabulo yokunconywa, njengoba kukhonjisiwe ngenhla. Lokhu
kukhombisa khona ukuthi yiyona nto abafundiswa yona ngothisha. Ngale ndlela, lokhu
kungaba nomthelela ekutheni izingane zigcine zisebenzisa isiZulu esixube nesiNgisi.
Kanti lokhu futhi kuveza ukuthi isiNgisi siyathandwa ngothisha nayizo izingane futhi.
Lokhu kungenza ukuthi isiZulu singathatheki njengolimi olukwazi ukuzwakalisa konke,
ngaphandle kokuthi umuntu aze asebenzise isiNgisi ukuze ukufunda kube nengqondo.
Kanjalo nakulezi ziqeshana esicashunwe ngezansi, uthisha uNtombifuthi waba nale
nkulumo-mpendulwano nabafundi bakhe:
269