isahluko 1 - UKZN ResearchSpace - University of KwaZulu-Natal

L: UDube noNkawu.
T: uDube noNkawu.
T: Yini babe yinkinga bona bobabili?
L: Babengenazo izimpondo.
T: Yebo abanazo izimpondo.
T: Kanti kwakufuneka abantu abanjani?
L: Abanezimpondo.
T: Babemenyiwe yini lapha edilini?
L: Cha babengamenyiwe
T: Benza kanjani ukuze bagcine bengenile edilini?
L: Bafakela izimpondo.
T: Yes bafakela izimpondo.
T: Obani ababedansa kakhulu lapha edilini?
L: Yibona oDube noNkawu.
T: Yebo, yibona bobabili uDube noNkawu, bona kanye laba ababengamenyiwe.
T:Konje babenze kanjani ukuthi kungabonakali ukuthi abanazo izimpondo?
L: Bazifakela.
T: Baze babonakala kanjani ukuthi akusizo izimpondo zangempela lezi?
L: Zawa izimpondo zabo ngoba babedansa kakhulu.
T: OK -ke bangani. Ake uze-ke uzongibhalela lapha ebhodini igama
engizolibiza.Ngizobiza umuntu azolibhala lapha ebhodini igama.
Kule nkulumompendulwano engenhla, kuvela ukuthi uthisha wayehlola ukuthi
bayiqondile yini indaba ababekade beyifunda. Lokhu wayekwenza ngokubabuza imibuzo
ngomlomo, bengabhali. Emva kwalokho wabe esethi ababhale la magama alandelayo
ebhodini:
Fig. 23 Amagama ayebhalwa yizingane ebhodini
• uDube
• ukudansa
• uBhejane
• uNkawu
• izilwane
• Hambani
• Izimpondo
• Wo! He!
• Idili
249