isahluko 1 - UKZN ResearchSpace - University of KwaZulu-Natal

7.2.1.3.2 NGOLWESIBILI
Ngosuku lwangoLwesibili uthisha waqale wababuza imibuzo ngendaba ababekade
beyifunda ngayizolo. Wabe eseqala efundisa amagama ayezotholakala endabeni
ababezoyifunda (Bheka iseleko se-13 ekhasini lama-369 ezelekweni ngemuva). La
magama wayewachaza ngalinye ebuza abafundi ngawo. Amanye babewazi amanye
bengawazi, wase eyawachaza-ke lawo abangawazi. Wayebakhombela ngenduku ebhodini
lapho kufundwa la magama, bawafunde beyikilasi, abuye athi abafunde ngayedwa.
Waqala kanje uthisha uNtombifuthi:
T: So now asiqale-ke indaba entsha ngoba le yayizolo isiphelile, kodwa asiqale
ngokufunda amagama esizohlangana nawo kule ndaba. Asiwafunde-ke.
L: Indoda.
T: Konje yini indoda, indoda umuntu onjani?
L: Umuntu owubaba.
T: Yebo, konje yiliphi igama eliphikisa indoda?
L: Indodakazi.
T: Cha indodakazi yingane yentombazane.
L2: Inkosikazi.
T: Yebo.
T: Asifunde elilandelayo.
L: Indodana.
T: Konje yini indodana?Indodana umuntu onjani?
L: (Kuthulekile)
T: Indodana ingane yasekhaya yomfana. Nami nginayo indodana eyodwa. Umngani
wami unamadodana amabili, indodana uma iyodwa, amadodana uma emabili.
T: Leli.
L: Umndeni.
T: Konje yini umndeni...umndeni yilapho sithola khona ubaba nomama nezingane, bonke
labo bakha umndeni.
T: Leli.
L: Obhasikidi.
T: Obhasikidi sifaka kubo izimpahla, kungenzeka kube izimpahla, noma ukudla. Leli?
L: Ingane.
T: Yebo ingane, engani nathi siyizo izingane. Ingane kungaba ebelethwayo, noma kube
yingane engangani.
T: Elinye.
L: Ubusuku.
T: Ehhe, ebusuku , konje senzani ebusuku.
L: Siyalala.
T: Simbathani ebusuku?
L: Izingubo.
250