isahluko 1 - UKZN ResearchSpace - University of KwaZulu-Natal

semfundo njengoba onke amanye amakhono olimi encike ekufundeni okubhaliwe
(Pretorius, 2000, 2002; Rosenblatt, 2004; Ruddell, 2004; Segalwe, 2006; Sweet & Snow,
2003). Kanjalo-ke nayo i-constructivist paradigm igcizelela ukuthi ulwazi lwakheka
kanjani enganeni efunda okubhaliwe.
3.2.2 UCWANINGO LOBUNJALO BOTHO (QUALITATIVE RESEARCH STUDY)
Lolu wucwaningo lobunjalo botho (qualitative research study). UCreswell (2009) uthi
abacwaningi bocwaningo lobunjalo botho baqoqa ulwazi oludingwa ucwaningo kulabo
abangabahlanganyeli bocwaningo, besendaweni ababa kuyo nsukuzonke (abasebenza
noma abahlala kuyo) benza izinto abavama ukuzenza njengokwejwayelekile.
Abacwaningi bocwaningo lobunjalo botho baqoqa ulwazi ngesikhathi labo
abangabahlanganyeli bocwaningo besesimweni esejwayelekile, babuke ukuthi yikuphi
abakwenzayo noma abakukhulumayo, njalonjalo (p. 175). Ubeka kanje uCreswell (2009,
p. 175):
Researchers do not bring individuals into a contrived situation nor do they
typically send out instruments for individuals to complete. This up close
information gathered by actually talking directly to people and seeing them
behave and act within their context is a major characteristic of qualitative
research. In the natural setting, the researchers have face to face interaction
overtime.
Le ndlela yocwaningo iyahambelana nalolu cwaningo ngoba ukuze ngithole ulwazi
olwaluzophendula imibuzongqangi kwadingeka ukuba ngiye ezikoleni lapho
ngangizoqoqa khona ulwazi kothisha ababefundisa ibanga lesibili nelesithathu ezikoleni
zamabanga aphansi ezisendaweni yaseMlazi. ULincoln benoGuba (1985) babeka ukuthi
ucwaningo lobunjalo botho ‘yi-natural inquiry’ lapho kungekho into eyenzekayo
engathathwa njengengenamsebenzi noma ithathwe noma yikanjani, futhi ongeke
wachaza ngayo ungakayicwaningi. Nanxa izingxoxo nabahlanganyeli bocwaningo kanye
nokubukela othisha befundisa (observations) kwaba yizindlela ezibalulekile ekuqoqeni
ulwazi locwaningo, akuzange kube khona kunonga okwenziwa noma engazakhela khona
ngokwami, kodwa konke okwasetshenziswa njengolwazi oluqoqwe kwabacwaningwayo
kwaba njengoba kunjalo.
88