isahluko 1 - UKZN ResearchSpace - University of KwaZulu-Natal

enza iphutha lo mfundi kwakuyinduku yodwa. Uma efunde kahle, kwakuzolandela
imibuzo, kungekho kulekelelwa nguthisha ekucabangeni ngempendulo ngoba phela
wayonile, uthisha evele efuna khona ukuthi kube khona la azohluleka khona bese
emshaya. Esikhathini esiningi, ikakhulukazi ezindaweni zasemakhaya, wawuye uthole
isikole sinothisha ababili noma abathathu esikoleni esincane esigcina ebangeni lesine
(Standard Two: Grade 4).
Lapho kufundwa incwadi yezindaba yesiZulu, umfundi wayethola isijeziso esiqinile;
uthisha amsole ngokuthi ‘yisiZulu lesi ulimi lwakho’. Kanti nakhona esiNgisini
kwakuyiso leso, induku iqhuma ngempela. Kwabe kungemnandi neze ukufunda ngalezi
zinsuku. Ngangiya esikoleni ngoba ngizothi ngiyabika ekhaya ngolaka olusesikoleni,
nakhona ngithole induku kuthiwe ‘angizwa’. Kwakuye kwenzeke esifundweni sesiNgisi
kuphela ukuthi uthisha afunde, ahambe phambili, sifunde emva kwakhe, emva
kwalokho kufunde ngayedwa. Wayeye ahumushe uthisha indaba eyayifundwa
encwadini yesiNgisi, ayihumushele esiZulwini ukuze sizwe. EsiZulwini kwakungenzeki
lokhu. Lokhu kufunda kwaholela ekutheni abafundi abaningi basenyanye isikole.
Kwakungesikho kuphela futhi ukufunda okwakuxosha izingane esikoleni, kodwa
nomsebenzi wezandla nezibalo. Kwakubhujwa kulezi zifundo. Ngale ndlela ukufunda
akuzange kube mnandi emabangeni aphansi, kwaze kwaba semabangeni aphezulu,
nakhona kwakunezakhona izinkinga. Ngale ndlela ukufunda kimina kwaba yinto
engakhula ngiyizonda ngoba kwakungalethi kujabula, kodwa usizi lodwa. Kanjalo
nasekhaya, alukho olutheni olwalungelekelela ekufundeni ukufunda imibhalo olimini
lwesiZulu.
Ekhaya, abazali babezama ukungithengela incwadi leyo eyabe ifundwa esikoleni.
Kodwa-ke kwakugcina ngokuba kube yileyo ncwadi eyayingisiza, kwakungekho
okunye okwakungagqugquzela uthando lokufunda. Isizathu ukuthi sasibaningi ekhaya,
kungumuntu oyedwa okwakufanele asithengele sonke izincwadi zokufunda.
Ngaphandle kwalokho, othisha akukho abake bakwenza ukukhombisa abazali
ngokubaluleka kokulekelela ingane ekhaya ngokufunda okubhaliwe. Othisha
babengakugcizeleli ukuthi abazali lingakanani iqhaza okumele balibambe ngezingane
34