isahluko 1 - UKZN ResearchSpace - University of KwaZulu-Natal

ukuqondakala (p. 148). ULincoln benoGuba (1985) bancamela ukusebenzisa amagama
afana nalana: credibility, consistency, no trustworthiness, esikhundlelni segama elithi
‘reliability’.
Kulolu cwaningo ngenza isiqiniseko sokuthi lonke ulwazi lwaqopheka njengoba lunjalo,
alwangaba nokungabazeka, ukuze kukhule izinga lokukholakala kwalo. Ngasebenzisa
izindlela ezahlukene ekuqoqweni kolwazi njengenhlololwazi, ukubuka othisha befundisa,
ukuhlaziya imibhalo, ukusetshenziswa kwesithwebuli, kanye nokuthatha amanothi.
Konke lokhu kwasiza ekwenyuseni izinga lokukholakala. Njengoba ekuqinisekisa lokhu
uNieuwenhuis (2008, p. 80), ngokusebenzisa izindlela eziningi ezahlukune ekuqoqeni
ulwazi locwaningo, lokhu kusiza ekukhuphuleni izinga lokukholakala kwemiphumela
yocwaningo. Ngamanye amazwi indlela yokudidiyela izindlela ezahlukene zokuqoqa
ulwazi locwaningo (triangulation) iyindlela endala yocwaningo ekwenyuseni
nasekwenzeni ngcono izinga lokukholakala kwemiphumela yocwaningo (Nieuwenhuis,
2008, p. 80).
3.10 IQOQA LESAHLUKO
Kulesi sahluko ngixoxe ngezindlela ezisetshenzisiwe ekuqoqeni ulwazi locwaningo.
Ngixoxile nangenkambiso elungileyo yocwaningo ukuthi yalandelwa kanjani. Ngibuye
ngaxoxa nangezindlela ezisetshenziswe ekuhlaziyeni okutholakele, ngaxoxa
nangobuqiniso nokukholakala kocwaningo ukuthi kwaqinisekiswa kanjani ukuze
ucwaningo lube ngolukholakalayo. Esahlukweni esilandelayo ngizoxoxa ngohlaka
lwenjulalwazi nohlaka lwemicabango yocwaningo, okuyikhona kusetshenziswe
njengesibuko ukuhlaziya ulwazi olutholakele.
113