isahluko 1 - UKZN ResearchSpace - University of KwaZulu-Natal

L: Ingwezi.
T: Yini leyo? Elinye?
L: Ingwemabala.
T: INgwemabala yigama lesikole. Libhalwa kanjani?
L: Siqala ngosonhlamvukazi ngoba igama lesikole.
T: Elinye futhi?
L: Engwavuma.
T: Konje kukuphi eNgwavuma? Yindawo, ingakuphi leyo ndawo ?
L:IseGoli.
L2: Ingapha.
T: (Uyahleka) Kukuphi ngapha? Le ndawo ingapha kwaZulu, eNyakatho nekwaZulu.
Siyezwana?
L: Yes teacher.
T: Elinye?
L: Ingwazi.
T: Yini ingwazi?
L: Umuntu ogwazayo.
T: Hawu (ehleka)! Ngumuntu ogwazayo ingwazi? Yini ingwazi?
L: (Ayikho impendulo).
T: Umuntu owenza kahle kuthiwa yingwazi, umuntu oyisihlabani. Kukhona futhi negama
lesikole okuthiwa kuseNgwekazi. Libhalwa kanjani leli gama?
L: Siqala ngosonhlamvukazi.
T: Yebo siqala ngosohlamvukazi ngoba igama lesikole...
Yaqhubeka ibanga elide le nkulumompendulwano, iqhubeka ngendlela efanayo nevezwe
ngenhla. Kodwa lapha ngiveze isithombe sokwakwenzeka ukuze kungaze kugcwale
ikhasi ngikhombisa into efanayo. Amagama ayenikezwa ngabafundi, uthisha wawabhala
ebhodini aba wuhlu, lapho eseqedile ukubhala uhlu lwala magama, bawafunda
ngokuwaphindaphinda. Lokhu kukhombisa ukuthi abakufundayo akusukeli embhalweni
ofundwayo (in context). Lokhu akuyikhuthazi ingane ukuba isebenzise amakhono ayo
okucabanga, izame ukuzakhela isithombe sokwenzekayo embhalweni, njengoba befunda
amagama njengohlu kodwa engekho embhalweni. Lokhu akuhambisani nokugcizelelwa
ngabacwaningi abaningi, abaveza ukuthi ukufunda okubhaliwe kufanele kube
sembhalweni ofundwayo ukuze izingane zizosebenzisa amakhono okucabanga, ziqagele
okuzokwenzeka embhalweni eziwufundayo, kuthi ekugcineni zikuqinisekise noma
ziziphikise kulokho ebezikuqagelile kumbe ebezicabange ukuthi kuzokwenzeka (Joubert
et al, 2008; DoE, 2008c; Bharuthram, 2006; Block & Israel, 2005; Duke & Martin, 2008;
Duffy, 2009; Levy, 2009; Pardo, 2004).
235