isahluko 1 - UKZN ResearchSpace - University of KwaZulu-Natal

The main thing is to be kept the main thing…explaining skills and strategies
is not the main thing in teaching reading. The main thing is to inspire
students to be readers… (p. 3)
La mazwi acashunwe ngenhla, akhombisa khona ukuthi into emqoka ukuba izingane
zikhuthazwe ukuba zikwazi ukufunda okubhaliwe futhi zikuthande, zibe ngabafundi
bemibhalo abasezingeni eliphezulu. Ngaleyo ndlela lapho izingane sezikwazi ukufunda
okubhaliwe, zingaphumelela emfundweni yazo esikoleni ngoba ukufunda kwazo kuncike
kakhulu ekutheni zithuthuke emakhonweni okufunda okubhaliwe.
1.10 UMLANDO OMFUSHANE WOLIMI LWESIZULU NOKUKHULA
KWASO ENINGIZIMU AFRIKA
IsiZulu singezinye zezilimi zaseningizimu yezwekazi lase-Afrika. Lukhulunywa
ngabantu iningi labo abangamaZulu ababalelwa ezigidini eziyishumi abahlala
eNingizimu Afrika. IsiZulu yilona limi olukhulunywa kakhulu kunazo zonke izilimi
zabaMnyama baseNingizimu Afrika (babalelwa kumaphesenti angama-24
abasikhulumayo), kanti futhi ucwaningo luyaveza ukuthi babalelwa kumamaphesenti
angama-50 abantu baseNingizimu Afrika abaluqondayo lolu limi (Ethnologue:
Languages of the World, 2005).
Kanti olunye ucwaningo luveza ukuthi isiZulu yilona lulimi olunabantu abaningi
okwedlula zonke ezinye izilimi, njengoba ngonyaka wezi-2003, kwatholakala ukuthi
amaphesenti angama-23 akhuluma isiZulu njengolimi lwasekhaya (Statistics South
Afrika, 2003). Lesi yisibalo esikhulu njengoba izilimi sezizonke ezisemthethweni
zilishumi nanye eNingizimu Afrika. Lolu limi lwaba ngolunye lwezilimi
ezisemthethweni ngonyaka we-1994 ngesikhathi sokuphela kukahulumeni wobandlululo.
Njengezinye izilimi zabaMnyama, isiZulu sibhalwa sisebenzise izinhlamvu zesiLathini.
Lolu limi lwesiZulu lukhulunywa kakhulu esifundazweni sakwaZulu-Natali. Babalelwa
kumaphesenti angama-81 abantu abakhuluma isiZulu njengolimi lwasekhaya kulesi
sifundazwe, bangamaphesenti angama-26 eMpumalanga, kanti eGauteng
23