isahluko 1 - UKZN ResearchSpace - University of KwaZulu-Natal

2.3.7 UKUFUNDA OKUBHALIWE NGOKWE-SOCIOCOGNITIVE THEORY
Ngokwe-socio-cognitive theory kaGee (2004), ukufunda okubhaliwe kuyinto eyenzeka
lapho kwakhiwa khona umqondo okuyiwona osenza sikwazi ukwakha isithombe
ngamehlo engqondo, esinamagama amasha, izidalwa (creatures) kanye nabalingiswa
(Ruddell & Unrau, 2004, p.1462). UGee (2004) uphawula ngokuthi “reading is a
sociocognitive phenomenon”. Ngamanye amazwi ukufunda kuhlanganisa imisebenzi
yokuphathelene nengqondo (cognition), ulimi, okwenzeka emphakathini, umphakathi,
kanye nenqubo yasemphakathini (p. 116). UBloom (1993) uchaza ukufunda okubhaliwe
njenge-sociocognitive process, okusho ukuthi ukufunda umbhalo kuhlanganisa kokubili;
okwenziwa emphakathini kanye nokuphathelene nokusebenza kwengqondo (social and
cognitive processes). Nakuba kunjalo, kodwa lokhu akusho ukuthi ama-social and
cognitive factors awanamthelela kokwenzeka lapho umuntu efunda umbhalo, kodwa
ukuthi ukufunda qobo lwakho kuyinto eyenzeka ngokuhlangana kokucatshangwayo
(cognitive processes), kanye nezinto ezenzeka emphakathini (Bloom, p. 104). Ngamanye
amazwi, leli gama alisho nje kuphela ukuhlangana kwezinto ezehlukene; okuyi -social
nama-cognitive processes, kodwa lisho imbumba yokwenzeka kanyekanye
ngokuhlangana, okusukela kokwenzeka emphakathini nokuphathelene nengqondo
(cognitive).
URuddell beno-Unrau (2004) bathi ukufunda okubhaliwe kusho indawo lapho kwenzeka
khona ukwakhiwa komqondo wokubhaliwe, okuyindawo ehlanganisa umfundi
wombhalo, umbhalo kanye nekilasi lapho kwenzeka khona ukufunda, kanye nothisha. (p.
1464). Ngamanye amazwi laba bacwaningi, umbhalo kanye nekilasi bakuthatha
njengento eyodwa, bese kuthi ezinye izingxenye zokufunda okubhaliwe kube nguthisha
kanye nalowo ofundayo. Umfundi wombhalo unokubili okubalulekile. Okokuqala,
yizimo eziphathelene nemizwa (affective conditions), okuhlanganisa izinto eziningi
ezifana nogqozi nothando lokufunda kuze kufike kulokho akwaziyo okwenzeka
emphakathini noma endaweni aphila kuyo, okuhlanganisa ama-sociocultural values
nezinkolelo anazo mayelana nokufunda umbhalo nokufunda kwakhe esikoleni.
Okwesibili izinto eziphathelene nengqondo, zihlanganisa ulwazi umfundi avele enalo
65