isahluko 1 - UKZN ResearchSpace - University of KwaZulu-Natal

Uma uthi abawa picke ngeke ube nayo i-sure yokuthi uyifundile indaba ngoba
angabukela nakumngani wakhe, kanti kubalulekile ukuthi afunde indaba.
Ngisho angaba i-16 amagama, kumele alandelana ngaleyo ndlela. They
associate ukubhala nokufunda...kumele kuhambisane. Hey abantwana
abancane ba-good ekukhremeni, ungaze ungakhohlwa umfundi esekwazi
ukufunda kanti lutho, kuphela nje useze wajwayela ngesikhathi indaba
ifundwa iphindwaphindwa. Ngamanye amazwi angaze ayicule, ungakhohlwa
wena esekwazi ukufunda kanti lutho. Kubalulekile-ke futhi ukuthi afunde into
aphinde akwazi nokuyibhala nje, ngamanye amazwi uyam-trainer nje
okuyinto ebalulekile kakhulu.
Le nkulumo kathisha uMbali iyakhombisa ukuthi uyaqonda ngobudlelwane
obusekufundeni okubhaliwe nokubhala. Lokhu kuyahambisana nokushiwo
ngabacwaningi abaningi ababheka ukufunda umbhalo nokubhala ukuthi kokubili lezi
zinto, kumele kuhambisane ngoba umbhalo ofundwayo ngaso sonke isikhathi
uhambisana nokubhala (Commeyras, 2009, Grellet, 1992). Yingakho nje uCommeyras
(2009) ethi ukufunda kuyilokhu okuyikho nje ngenxa yokubhala, kanjalo nokubhala
kuyilokhu okuyikhona nje ngenxa yokufunda. Ubuye aqhubeke uCommeyras athi
ukubhala nokufunda kuyizelamani, ngenxa yokuthi lapho sibhala, sibhala ukuze kube
khona ozofunda lokho esikubhalayo. Nokho-ke lokhu akwanele uma ukufunda
okubhaliwe kugxile emisindweni nasemagameni.
5.2.3.2.2 UKUSETSHENZISWA KOMDLALO
Ezingxoxw eni othisha baveza ukuthi baye benze izingane zidlale zibe zifunda njengesu
lokufundisa ukufunda okubhaliwe. Bachaza ukuthi bakwenza lokhu nje ngoba
kubalulekile ezinganeni nokuyinto abacwaningi abayigcizelelayo (Excell & Linington,
2009). Lapho bebuzwa ukuthi bakwenzelani lokhu, bayachaza ukuthi baye bakwenze
ngoba nabo baye bakuthole kulusizo. Bachaza ukuthi baye benze umqhudelwano
wamaqembu ekilasini, bahlukanise abafundi kabili, kube abafana bodwa, baqhudelane
namantombazane. Ngesikhathi benza lo mqhudelwano kungaba ngumdlalo wamagama.
Isibonelo, umfundi angatomula igama engalibonanga ukuthi lithini, qede alifundele
ikilasi lonke. Lapho egejile iqembu lilahlekelwa ngamaphuzu kumbe yiphuzu elilodwa,
kuye ngothisha ukuthi ukuhlele kanjani lokhu. Uthisha uZandile uthi:
175