isahluko 1 - UKZN ResearchSpace - University of KwaZulu-Natal

10 kuya phezulu. Ngikusho lokhu ngoba ukuze izingane zizilolongele izivivinyo, kumele
zifunde imiqingo eminingi eyahlukene, bese lapho sezihlolwa, zibhale phansi
izimpendulo. Uma zingenawo amakhono okufunda okubhaliwe, zingeke zakwazi
ukubhala phansi izimpendulo ngendlela efanelekile. Lokhu-ke kungaba nomthelela
omubi ekuphumeleleni kwazo.
Ngokwemiphumela yebanga leshumi evela eMnyangweni WezeMfundo kusukela
ngonyaka wezi-2003, unyaka nonyaka iyehla imiphumela yebanga leshumi, kuze kufike
kweyangonyaka wezi-2009. Ukucacisa lokhu: Imiphumela yama kanje kule minyaka
eyisikhombisa edlule: ngowezi-2003:73,3%; ngowezi-2004:70,7%; ngowezi-
2005:68,3%; ngowezi-2006:66,6%; ngowezi-2007:65,2%; ngowezi-2008: 62,5%;
nangowezi-2009:60,7% (DoE, 2005; South African Government Information, 30
December 2009). Kanti kwaba ngokokuqala emva kwayo yonke le minyaka lapho
kwatholakala khona imiphumela yebanga leshumi ethuthukile ngonyaka wezi-2010,
nokuyinto abantu abaningi abakhononda ngayo, kunezinsolo zokuthi uMnyango
WezeMfundo kukhona owakwenza ukugqiba ihlazo ngesimo esibi semiphumela
yebanga yeshumi (Jansen, 2010). Lezi zinsolo zazibangelwa nawukuthi unyaka wezi-
2010 yiwona owawunezinxushunxushu eziningi okwedlula yonke lena ebaliwe
iminyaka. Lokhu kwakuyingoba kwaba nomqhudelwano wendebe yomhlaba webhola
lezinyawo okuyionto eyathatha inyanga yonke, kwaphinde kwaba nesiteleka sezisebenzi
zikahulumeni ezazikhononda ngamaholo aphansi. Othisha babeyingxenye yaso lesi
siteleka, kanti sathatha amasonto amathathu onke, nokuyinto eyayingakaze yenzeke
phambilini (Hoffmann & Macfarlane, 2010; Wilson, 2010).
Ngesikhathi u-Angie Motshekga onguNgqongqoshe WezeMfundo Yamabanga Aphansi
enza isimemezelo sakhe mayelana nemiphumela yebanga le-10 yangonyaka wezi-2009
ephalamende ePitoli, wabeka kanje: “I wish to state categorically that even though this
shift is marginal I am most unhappy with the decline in the national pass rate, that is why
we are disappointed”. U-Angie waqhubeka wathi: “The results continue to suggest that we
have not yet turned the corner in education...” (Hamlyn, 2010).
6