isahluko 1 - UKZN ResearchSpace - University of KwaZulu-Natal

okwakungezabaMhlophe baye bakhononde ngokuthi isiZulu esifundwa yizingane zabo
kulezi zikole akusona isiZulu sempela, kodwa yisiZulu ‘sasemakhishini’ (South African
Language Rights Bulletin, p.14, August 2008).
Njengoba sengichazile ngenhla, baye babe novalo lokuthi, isiZulu kulezi zikole isikhathi
esiningi sifundiswa nayilabo abangasikhulumi njengolimi lokuqala. Isibonelo,
uNkosazane Ntombenhle Nkosi, owusihlalo webhodi lezilimi i-Pan South African
Language Board wake wasematheni ngonyaka wezi-2008 ngenxa yokumangalela isikole
saseThekwini. Wayekhononda njengomzali ngokuthi indodana yakhe eyayifunda kulesi
sikole ngonyaka wezi-2007 yabe ifunda ‘isiZulu sasemakhishini’, nokuthi isiZulu
sibukelwa phansi kulesi sikole, yingakho sifundiswa noma yikanjani. Lokhu kwaholela
ekutheni kushintshwe umgomo wolimi lwalesi sikole (South African Language Rights
Bulletin, p.14, August 2008).
1.12 IZINGUQUKO EZALETHWA YINKULULEKO KWEZEMFUNDO
EZILIMINI ZASENINGIZIMU AFRIKA
Inkululeko eyafika ngonyaka we-1994 eNingizimu Afrika yeza nezinguquko eziningi
ezimpilweni zabantu baseNingizimu Afrika. Izilimi nazo azisalanga emumva.
Ngezikhathi zobandlululo isiNgisi nesiBhunu yizona kuphela ezabe ziyizilimi
ezisemthethweni, lokhu nakho kwashintsha (The Constitution of the Republic of South
Africa, 1996, Act No. 104) njengoba ngemva kokutholakala kwenkululeko nalezi ezinye
izilimi zaboMdabu zaba semthethweni (Ndimande-Hlongwa, 2009, p. 77). Ngale ndlela
zanikwa ukuhlonipheka nesithunzi esasinikwe isiBhunu nesiNgisi; zathathwa
njengezilinganayo. Lokhu kwakungokokuqala
Ningizimu Afrika (Osborne, 2007).
ngqa emlandweni wezilimi zase
Nakuba-ke ‘kuyiculo’ ukuthi lezi zilimi ziyalingana, uma sibheka okwenzekayo ngazo,
okwamanje bezingakalinganiswa, njengoba kuyaphawuleka namanje ezintweni eziningi
ngisho nakuyo iminyango kahulumeni; isiNgisi namanje sisahamba phambili
ngokubaluleka. Isibonelo, namanje ezikoleni, emanyuvesi, ezinkampanini ezizimele,
27