isahluko 1 - UKZN ResearchSpace - University of KwaZulu-Natal
isahluko 1 - UKZN ResearchSpace - University of KwaZulu-Natal
isahluko 1 - UKZN ResearchSpace - University of KwaZulu-Natal
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ISIFINGQO<br />
Inkinga yamazinga aphansi okufunda okubhaliwe kubafundi baseNingizimu Afrika yinto<br />
ekhungethe onke amazinga emfundo. Nakuba iminingi imizamo esizanyiwe ukulwa nale nkinga,<br />
kuze kube manje bekungakabi bikho mibiko ebika ubungcono. Lapha ngingabala imizamo<br />
yaseNingizimu-Afrika efana ne-Foundations for Learning Campaign, Readathon Campaign,<br />
National Strategy for Reading.<br />
Inhloso yalolu cwaningo ukubheka ukufundiswa kokufunda okubhaliwe olimini lwasekhaya<br />
lwesiZulu emabangeni aphansi. Ucwaningo luhlose ukuphendula imibuzongqangi emithathu<br />
elandelayo: (i) Othisha bamabanga aphansi bathini ngokufundisa ukufunda okubhaliwe<br />
emabangeni aphansi esiZulu njengolimi lwasekhaya? (ii) Othisha bamabanga aphansi<br />
bakufundisa kanjani ukufunda okubhaliwe emabangeni esibili nelesithathu emakilasini esiZulu<br />
njengolimi lwasekhaya? (iii) Kungani othisha bamabanga aphansi befundisa ukufunda<br />
okubhaliwe ngendlela abakwenza ngayo?<br />
Ucwaningo lwenziwe elokishini lama-Afrika laseMlazi, lapho isiZulu siwulimi olukhulunywa<br />
emphakathini, kanti nasezikoleni zamabanga aphansi kusetshenziswa sona njengolimi<br />
lokufundisa. Ucwaningo lwenziwe ezikoleni ezimbili ezisesigcemeni esisodwa.<br />
Bayisishiyagalombili othisha ababe yingxenye yocwaningo, bayisithupha kwesinye isikole, kanti<br />
kwesinye babili.<br />
Ucwaningo lulucwaningo lobunjalo besimo (qualitative case study), ngaphansi kwe-social<br />
constuctivist paradigm. Kusetshenziswa izingxoxo ezisakuhleleka (semi-structured interviews),<br />
ukubukela othisha befundisa (observations), kanye nendlela yokuhlaziya imibhalo njengezindlela<br />
zokuqoqa ulwazi locwaningo. Ucwaningo luphinde lusebenzise izindlela zocwaningo lobunjalo<br />
besimo ukuhlaziya ulwazi olutholakele. Kusetshenziswa insizakuhlaziya kaVygotsky (1978)<br />
njengohlaka lwenjulalwazi kanye nohlaka lwemicabango ukuhlaziya ulwazi olutholakele.<br />
Kugqama izindikimba eziyisishiyagalombili olwazini olutholakalayo. Kukhona emayelana<br />
nokufundiswayo lapho kufundiswa ukufunda okubhaliwe. Lapha kuvela ukuthi othisha bafundisa<br />
imisindo namagama nemisho emifushane, okufundiswa kuzihambela kodwa; ngamanye amazwi<br />
kungasukeli embhalweni. Enye imayelana nezindlela namasu okufundisa ukufunda okubhaliwe.<br />
Lapha kuvela ukuthi othisha bafundisa ngendlela yokufundisa ngemisindo, bayihlanganise<br />
nendlela yokubuka-usho (look-and–say method). Enye imayelana nezinsizakufundisa zokufunda<br />
okubhaliwe, okubonakala ziyindlala kuzo zombili izikole, kanti futhi ukusetshenziswa kwazo<br />
kuncikene nezinkolelo othisha abanazo.<br />
Enye imayelana nendawo okufundelwa kuyo ukufunda okubhaliwe, okutholakala<br />
kungagqugquzeli kangako ukuthuthuka kwengane ekufundeni imibhalo yesiZulu. Enye imayelana<br />
nokuhlolwa kokufundiswa kokufunda okubhaliwe. Lapha kuvela ukuthi ukuhlola kwenzeka<br />
ngendlela engaqondene nokufunda okubhaliwe, ngoba ukuhlola ukufunda okubhaliwe kwenzeka<br />
ngokuthi abafundi benze imisebenzi ebhalwayo, efana nesibizelo nokunye. Enye yezindikimba<br />
imayelana nenhloso yokufunda okubhaliwe. Lapha kubonakala ukufunda okubhaliwe<br />
kungenanhloso yokufunda ngokuqondisisa umbhalo <strong>of</strong>undwayo, kodwa kunalokho kube ukubhala<br />
ngokucophelela, ‘ngendlela enembayo’ (writing accuracy). Enye indikimba imayelana nezinkolelo<br />
othisha abanazo ngokufundisa ukufunda okubhaliwe. Lokhu kubonakala kuyisona sizathu<br />
kwabakwenzayo nabakushoyo othisha ngokufundisa ukufunda okubhaliwe. Kanti enye imayelana<br />
nokuzenyeza kothisha ngolimi abalufundisayo lwesiZulu. Lapha othisha babonakala besibukela<br />
phansi isiZulu kodwa bencamela isiNgisi.<br />
Imiphumela yocwaningo ikhombisa ukuthi abakushoyo nabakwenzayo othisha kungenxa<br />
yezinkolelo abanamathele kuzo, okuyizona ezinomthelela ezindleleni abazisebenzisayo lapho<br />
befundisa ukufunda okubhaliwe. Okwesibili ukuthi othisha abazilekeleli ngokwanele izingane<br />
xii
Change language