isahluko 1 - UKZN ResearchSpace - University of KwaZulu-Natal

La mazwi akhombisa ukuthi kade yaba khona inkinga yokufundisa ukufunda okubhaliwe
emabangeni aphansi, okuyiyona ndawo lapho isisekelo esiqinile sokufunda kufanele sibe
khona. Kanti uParis benoHamilton (2009), bavumelana ngokuthi “decoding is necessary
but not sufficient for reading comprehension” (pp. 32-53). La mazwi afakazela khona
ukuthi ukufundisa imisindo nezimelamsindo akwanele kukodwa ekufinyeleliseni ingane
kokuyiyona njongo yokufunda okubhaliwe. Le ndlela yokubuka ukufunda okubhaliwe
yaze yashintsha ngonyaka we-1978 lapho uDurkin eqhamuka nencazelo entsha
yokuchaza ukufunda okubhaliwe ngokukuqondisisa wabeka ukuthi:
Reading is the essence of reading and as the process in which [even young]
readers construct meaning in interacting with the text through a combination
of prior knowledge and previous experience, information available in the
text; the stance taken in relation to the text; and an immediate, remembered
or anticipated social interaction and communication. The meanings of words
cannot be added up to give the meaning of the whole. The click of
comprehension occurs when the reader evolves a schema that explains the
whole message (p. 482).
Ngakho-ke kulolu cwaningo kuyabonakala ukuthi othisha abafundisi izingane ukuba
zifunde okubhaliwe zakhe umqondo ngezikufundayo ngenxa yokuthi abanalo ulwazi
olwanele ngezinhloso zokufundisa ukufunda okubhaliwe, yingakho nje begxila
emisindweni, emagameni nasemishweni emifushane engenabo ubudlelwane bokuba
umbhalo ohlangene. Lokhu kubonakala nangokuthi lapho befundisa izingane ukwakha
amagama, kube yinto elukhuni ezinganeni, ngenxa yokut hi othisha abalekeleli izingane
ukuba zikuzwe ukufunda kumnandi, kulula futhi kusamdlalo njengoba phela zisencane.
UMorrow (2005) ugcizelela ukuthi umsebenzi wokwakha amagama kubafundi
abasebancane basezingeni eliphansi kumele kube yinto esamdlalo futhi nesondelene
nabakubonayo emphakathini. Ngale ndlela, nanxa kwake kwenzeka isifundo saba
samdlalo kuthisha oyedwa, futhi kwenzeka usuku olulodwa, lokhu kukhombisa ukuthi
izingane azikuthokozeli ukufunda okubhaliwe ngoba ‘kuyinto elukhuni’. Ngamanye
amazwi, ngenxa yokungabi nolwazi olwanele ngezinhloso zokufunda okubhaliwe othisha
abazilekeleli ngokwenele izingane ukuba zibe ngabafundi bemibhalo abasezingeni
286