isahluko 1 - UKZN ResearchSpace - University of KwaZulu-Natal

ulwazi olusha nolwazi abavele benalo (inferences) lapho befunda imibhalo. (Knuth &
Jones, 1991). Ngale ndlela, othisha njengabaholi babafundi, balekelela abafundi
ekufundeni, babanike amakhono okufunda ngokuzimela, bakhe izifundo ezihambelana
nezinga lokukhula labafundi, nahambisana nezidingo zabo (Blumenfeld et al, 1991;
Bharuthram, 2006; Bloome, 1993). Lo mbono uqhakambisa umbhali, umfundi, umbhalo,
kanye nendawo okufundwa kuyo (Kukan & Beck, 1997).
Ngale ndlela injulalwazi i-social constructivist iqhamuka nombono othe ukwehluka,
lapho ukufunda nokubhala kukhuthazwa futhi kubukwa njengezinto ezihlobene,
okubizwa ngokuthi yi-New Literacy (Willinsky, 1990). UWillinsky (1990, p. 8) uyachaza
ukuthi i-New Literacy ihlanganisa amasu okufundisa ukufunda nokubhala, okuzama
ukususa umqondo wokuthi ukufunda ukubhala nokufunda ukufunda okubhaliwe
kungumsebenzi kathisha. Ngakho-ke, ngenxa yale njulalwazi, umcwaningi uzobheka
ukuthi uthisha ubalekelela kanjani abantwana ekutheni bathuthuke ekufundeni
okubhaliwe, indlela ahlela ngayo umsebenzi wakhe, aphinde abheke ukuthi uthisha
ubalekelela kanjani abantwana ekubambeni iqhaza ekukhandeni umqondo
ngabakufundayo ngesikhathi isifundo siqhubeka ekilasini.
4.5 UBUDLELWANO PHAKATHI KOHLAKA LWENJULALWAZI NOHLAKA
LWEMICABANGO
Igama elithi uhlaka lwenjulalwazi (theoretical framework) livame ukusetshenziswa
ngokufana nelithi uhlaka lwemicabango (conceptual framework). Nakuba lokhu
kungabukeka kufana, umehluko osobala phakathi kwakho ukuthi uhlaka lwenjulalwazi
lungasetshenziswa lapho kukhona ulwazi oluthile oluvele lukhona noma lapho uhlaka
lwemicabango lungeke lwakwazi ngokugculisayo ukucacisa ngesimo noma ngaleyo nto
ecwaningwayo. Lokhu kuchaza ukuthi kuye kusetshenziswe ezinye izindlela
Curriculum entsha yokufunda ezikoleni ezoqala ngonyaka ozayo (2011). Kusukela ngonyaka ozayo (2011)
i-OBE ayisezukusebenza. Othisha nabacwaningi abaningi kade babeyigxeka le ndlela ye OBE ngokuthi
ayisebenzi kahle, kanti futhi lapho izinsiza zingekho khona kuba yinkinga enkulu, nanokuthi othisha
abaqondi kahle okuyiwona maqhaza abo ekilasini lapho kufanele basebenzise khona le ndlela. Okunye
okuza ne curriculum entsha ukuthi ingane izofunda amabanga amathathu okuqala ngolimi lwayo
ezikhethele yona, kanti isiNgisi asizukusebenza ukumela ulimi lwengane lwasekhaya.
120